1 Tham 5:3 - JAM DE NHIALIC 2011

³ Na ɣɔn amiäk pɛ̈ɛ̈c ë kɔc ke Acedɔd, ke ke lɔ luaŋ de Dagon, gokï Dagon yök ke cï wïïk ke gut yenɔm piny në Athänduŋ de Män ë Nhialic nɔm tueŋ, gokï Dagon jɔt ku pukkï nɔm tëde.

1 Tham 5:3 ပူးပေါင်းရင်းမြစ်များ

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

Diɛt 115:7

Ku adekï cin, ku acïn kë yek yökic, ku cök, ku acïkï ee cath, ku acïn këdɛn ye piŋ.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 40:20

Raan wën cïï ɣööc de ateek ku adhääp lëu, ee rɔt löc tim cïï bï dhiap. Ee rɔt kɔɔr atën piɛth ee guaŋ bïï ye guɛ̈ŋ kë ye tïŋ ke cï bï wïïk.

Yith 41:7

Go raan atën ee guaŋ lɛ̈k thɛ̈th an, ‘Acï ŋiëc looi!’ Ago raan wën ee yath deŋ abïï lip raan wën ee ye piäät në muthmɛɛr riit piɔ̈u. Ayek lueel an, ‘Acï looi apiɛth,’ ku jɔkï yath dɛɛr në yekɔ̈u ke piëëtkï në muthmɛɛr.

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Mak 3:11

Ku jɔɔk rac col, të de en të cï kek e tïŋ, ke ke cuɛt röt piny ë yenɔm, ku cötkï an, “Yïn ee Wën ë Nhialic!”

1 Tham 6:1

Na ɣɔn aacï athänduŋ de mät pɛ̈i aa dhorou ke rëër paan ë Pilithiin,

1 Tham 6:5

Cuɛ̈ckï gup ke kak ë riäk pinydun, ŋoiŋooi ke pii, ku cuɔl, ku dhuɛ̈ŋkï Nhialic de Yithriɛl guöp. Tɛk däŋ cïï we bï bɛ luöi këtuc në yiëthkun, ku pinydun.