1 Tham 5:10 - JAM DE NHIALIC 2011

¹⁰ Agokï Athänduŋ de Män ë Nhialic tuɔɔc Ekeron. Na wën aa lɔ Athänduŋ de Män ë Bɛ̈nydït ɣet Ekeron, go kɔc ke Ekeron kiɛɛu puɔ̈l arëët an, “Acïk Athänduŋ de Män ë Nhialic de Yithriɛl bɛ̈ɛ̈i ee tënë, ke bï wook bɛ̈n nɔ̈k ku nɛ̈k kɔckuɔ kedhie!”

1 Tham 5:10 ပူးပေါင်းရင်းမြစ်များ

2 Tham 7:9

Yɛn cï tɔ̈u wo yïn në ɣään cï yïn ke lɔ thïn ëbɛ̈n, ku tiaam kɔc ke aterdu në yïnɔm. Ku yïn bä tɔ de kɛt cï bäny dït ke piny nɔm.

2 Mel 1:2

Ku Aɣadhia melik de Yithriɛl acï lööny piny ɣöndɛn nu nhial nɔm ë Thamaria, go tɔ̈c piny ke de guöp juäi, go tuuc tooc bïk Baaldhebub, yanh ë Pilithiin tɔ̈u wutic ë Ekeron lɔ luɔp na bïï guöp pial në ë jɔŋë, ku nɔn cïï guöp bï pial.

1 Lëk 7:21

Dhabad, ku Cuthela. Eparaim aya aade nɔm wɛ̈ɛ̈t kɔ̈k kaarou cï keek bɛ̈n nɔ̈k ë raan de Gath. Wään kɔɔr kek bïk ɣɔ̈k ke kɔc ceŋ Gath kual.

Amoth 1:8

Yɛn bï meliik ke pɛ̈ɛ̈nydït ke yï: Acedɔd kekë Acekelon nyaai në bääny yic. Yɛn bï rɔt pɔ̈k kɔc ke Ekeron ku luöi keek këtuc, ku kɔc ke Pilithiin cï döŋ ëbɛ̈n, abïk thou kedhie. Yen kë cïï Bɛ̈nydït Nhialic lueel ka.

Amoth 6:2

Lak tiëŋkï pänydïït de Kalene, ku bɛkï Ɣamath lɔ tïŋ, ku tiëŋkï Gath, pänydïït de Pilithiin. Ŋuänkï në ciɛɛŋ de Juda, ku Yithriɛl? Ku akenden dïït në akendun?

Jocua 13:3

ayï piny de Awim ëbɛ̈n, (gɔl në wak de Ciɣor në aken ë Rip nɔm të lɔ aköl amiäk, ku ɣeet në aken ë Ekeron nɔm të lɔ rut, aaye piny de Kanaan. Ku ade meliik ke Pilithiin ë rɛ̈ɛ̈r ëtɛ̈ɛ̈n kadhïc: Melik de Gadha, ku melik de Acedɔd, ku melik de Acekelon, ku melik de Gath, ku melik de Ekeron.)

Jocua 15:11

Ku tëëk akeu në kuur de Ekeron baŋ të lɔ rut, ku tiööt rɔt Cikeron, ku bɛɛric kuur ë Baala, ku tëëk në Jamina, ku le guut në Wɛ̈ɛ̈rdïït ɣer kɔ̈u.

Jocua 15:45

Ekeron kekë wuötke ayadäŋ, kekë bɛ̈i thiääk në yen kedhie: wuötdït ku wuötkor,

Bäny 1:18

Go Juda Gadha nööm, ku Acekelon ku Ekeron kekë wuöt thiääk në keek.

1 Tham 17:52

Ago kɔc ke Yithriɛl kenïïm mony në kɔc ke Judai ëtök, ku copkï keek agut cï Gath ku kal de Ekeron thok. Go kɔc ke Pilithiin bɛ̈n döŋ piny kueer ë Caaraim kɔ̈u ke ke cï thäär agut cï Gath kekë Ekeron.

1 Tham 5:11

Gokï bäny ke wuöt ke Pilithiin cɔɔl kedhie ku lueelkï an, “Athänduŋ de Män ë Nhialic de Yithriɛl abï lɛɛr tëdɛn wään bïï ë yen thïn, ago wook cuö näk ku nɛ̈k bɛ̈ikuɔ.” Wut aacï yic dɛk riɔ̈ɔ̈c dït, në baŋ cïï Nhialic kɔc luöi këtuc arëët.

1 Tham 5:9

Agokï Athänduŋ de Män ë Nhialic de Yithriɛl lɛɛr Gath. Ku wën cïï kek en lɛɛr ëtɛ̈ɛ̈n, go Bɛ̈nydït wut luöi këtuc, ku tɔ keek riɔ̈c aläl, ë riɔ̈ɔ̈c dïït cï kɔc tɔ̈u wutic bɛ̈n dɔm ëbɛ̈n, kɔc kor ku röördït, ku tɔ keek tɔ dɔm apeŋeŋ kedhie.

1 Tham 6:1

Na ɣɔn aacï athänduŋ de mät pɛ̈i aa dhorou ke rëër paan ë Pilithiin,