1 Tham 31:8 - JAM DE NHIALIC 2011

⁸ Na ɣɔn ë kööl ë tɔŋ cök ke Pilithiin ë ke lɔ ku rumkï gup ke kɔc cïk nɔ̈k, gokï guöpde Thaulo kekë wɛ̈ɛ̈tke kadiäk lɔ yök, ke ke tɔ̈u piny në kuur de Gilbowa nɔm.

1 Tham 31:8 ပူးပေါင်းရင်းမြစ်များ

2 Tham 1:20

Duökï cɛɛl ë Gath, ku du tɔ cɛɛlë në kuɛɛr ke Acekelon yiic. Duökï diäär ke Pilithiin tɔ mit piɔ̈ɔ̈th, ku duökï duet ke kɔc kuc Nhialic tɔ dɔl.

2 Tham 1:21

“Tɔ cïn thäc ayï deŋ tueny ë kur ke Gilbowa nïïm, ku tɔ duumken gäk ke ke cïï lok! Në biäk cïï kööt ke jööt döŋ ëtɛ̈ɛ̈n në ayäär, kön ë Thaulo akënë bɛ tɔc kɔ̈u ë miök.

1 Lëk 10:8

Na ɣɔn në kööl däŋ ë tɔŋ cök, go kɔc ke Pilithiin bɛ̈n ku yakkï gup ke kɔc cï thou, gokï gup ke Thaulo kekë wɛ̈ɛ̈tke yök ke ke dal në kuur ë Gilbowa nɔm.

2 Lëk 20:25

Go melik Jeɣocapat kekë remdɛn de tɔŋ lɔ pec, gokï ɣɔ̈k juëc yök, ku ka piɛth kɔ̈k, ku lupɔɔ, ku lɔ kajuëc kɔ̈k aya. Gokï nïn thöl kadiäk ke ke mɛ̈ɛ̈t ka cïk peec yiic, ku käŋ aake juëc ka acïkï keek duëër lëu ë jöt kedhie.

1 Tham 28:4

Go rem de tɔŋ ë Pilithiin kenïïm kut, ku piɔ̈ɔ̈tkï wun cɔl Cunem, ku Thaulo acï Yithriɛl tɔ kut kenïïm, ku piɔ̈ɔ̈tkï ë kuur ë Gilbowa lɔ̈ɔ̈m.

1 Tham 31:7

Na ɣɔn aa lɔ kɔc ke Yithriɛl tɔ̈u ë Wak de Jedhreel nɔm lɔɔk ye piŋ nɔn cïï rem de tɔŋ ë Yithriɛl kat ku Thaulo kekë wɛ̈ɛ̈tke acï ke nɔ̈k, acïk wuötken bɛ̈n nyääŋ piny ku kɔtkï. Go kɔc ke Pilithiin bɛ̈n ku ɣapkï wuöt.

1 Tham 31:9

Gokï Thaulo tɛ̈ɛ̈m nɔm bei, ku bïïkï kakɛn ë tɔŋ bei në yeguöp, ku jɔkï thok tuɔɔc në wuöt ke Pilithiin yiic bïk thoŋ de wëlpiɛth lɔ lɛ̈k yiëthken ku kɔcken.