1 Tham 31:7 - JAM DE NHIALIC 2011

⁷ Na ɣɔn aa lɔ kɔc ke Yithriɛl tɔ̈u ë Wak de Jedhreel nɔm lɔɔk ye piŋ nɔn cïï rem de tɔŋ ë Yithriɛl kat ku Thaulo kekë wɛ̈ɛ̈tke acï ke nɔ̈k, acïk wuötken bɛ̈n nyääŋ piny ku kɔtkï. Go kɔc ke Pilithiin bɛ̈n ku ɣapkï wuöt.

1 Tham 31:7 ပူးပေါင်းရင်းမြစ်များ

Lebai 26:32

Yɛn bï pinydun riɔ̈ɔ̈k liŋliŋ, ka kɔc dɛ wek ater rɛ̈ɛ̈r ëtɛ̈ɛ̈n abïk gäi aläl në riääk cït ee kënë.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.

Bäny 6:2

Në luɔi ë ril kɔc ke Midian awär Yithriɛl, go kɔc ke Yithriɛl lɔ thiaan në kɔ̈k ke kur yiic ku ɣään kɔ̈k piɛth ë kuriic.

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 13:7

ku tem kɔc kɔ̈k wɛ̈ɛ̈r de Jordan kɔ̈u lekkï ë wuöt ke Gad ku Giliyad yiic. Ku Thaulo aa ŋoot ke tɔ̈u ë Gilgal, ku kɔc wën tɔ̈u ë yen aake lɛth ë riɔ̈ɔ̈c keek.

1 Tham 31:6

Yen thon ë thouwë Thaulo kekë wɛ̈ɛ̈tke kadiäk ka, ku lɔ dhuŋ ee kakɛn ë tɔŋ muk, ago kɔc ke Thaulo kedhie thou ee köölë.

1 Tham 31:8

Na ɣɔn ë kööl ë tɔŋ cök ke Pilithiin ë ke lɔ ku rumkï gup ke kɔc cïk nɔ̈k, gokï guöpde Thaulo kekë wɛ̈ɛ̈tke kadiäk lɔ yök, ke ke tɔ̈u piny në kuur de Gilbowa nɔm.