1 Tham 31:10 - JAM DE NHIALIC 2011

¹⁰ Ëtɛ̈ɛ̈n gokï kakɛn ë tɔŋ tääu ë luaŋ de yanh cɔl Acetaroth yic, ku jɔkï guöpde piäät në päny de wun cɔl Beth Can kɔ̈u.

1 Tham 31:10 ပူးပေါင်းရင်းမြစ်များ

Jocua 17:11

Ku në piny ë Yithakar kekë Acer, ku Beth Can kekë Yibiliim, aake ye wuöt ke Manatha. Ayï bɛ̈i thiääk në keek, ku ayï Dor kekë bɛ̈i thiääk në yen, ku Endor kekë bɛ̈i thiääk në yen, ku kɔc ceŋ Taanak, ayï bɛ̈i thiääk në yen, ku kɔc cieŋ Megido, ayï bɛ̈i thiääk në yen, ku wun ye wuöt diäk ee Napoth. Ku keek Kedhie ayek wuöt ke Manatha.

Bäny 1:27

Dhiën ke Manatha, akënkï kɔc rëër ë Beth Can në bɛ̈ike cuɔp wei, ku Taanak, ku Dor, ku Yibiliim, ku Megido, ku bɛ̈i thiääk në keek ŋoot ë kɔc ke Kanaan ke ke rɛ̈ɛ̈r thïn.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.

1 Tham 21:9

Go Aɣimelek bɛ̈ɛ̈r an, “Yɛn de nɔm abätäu de Goliath raan wään bä nɔ̈k, ë Wak de Ela yic, anu në lupɔ kɔ̈u, ke cï dɛɛr ë lupɔ de ajïpɔ yic. Na kɔɔr en ke nöm ee yen aye tɔŋ töŋ nu eenë.” Go Debid bɛ̈ɛ̈r, an, “Gämë yɛn, acïn të bï tɔŋ piɛth yök thïn!”

1 Tham 31:12

go jööt ril röt jɔt, ku ciɛthkï në wɛ̈ɛ̈ric ëbɛ̈n ke ke lɔ Beth Can. Gokï gup ke Thaulo kekë wɛ̈ɛ̈tke bɛ̈ɛ̈i piny në päny kɔ̈u, ku bïïkï ke Jabec ku nyopkï keek ëtɛ̈ɛ̈n.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”