1 Tham 30:4 - JAM DE NHIALIC 2011

⁴ Go Debid kekë kɔcke dhiau aläl ku reeckï mim agut të bï keek jɔ bäp ke ke cïï dhiëëu be lëu.

1 Tham 30:4 ပူးပေါင်းရင်းမြစ်များ

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Kuɛ̈n 14:1

Ago akutnɔm de kɔc ruu ke ke kïïu në dhiën ë jiɛthëpiɔ̈u në wɛ̈ɛ̈ric ëbɛ̈n abï piny ruu.

Kuɛ̈n 14:39

Na wën, aa lëk ë Mothe kɔc ke Yithriɛl kedhie ke cïï Bɛ̈nydït lueel, ke ke dhiau piɔ̈ɔ̈th arëët.

Bäny 2:4

Na wën acï tunynhial ë Bɛ̈nydït thök ë jam, go kɔc ke Yithriɛl ke röt jat nhial dhiaukï.

Bäny 21:2

Na ɣɔn ke kɔc ke Yithriɛl ë ke lɔ ë Nhialic nɔm ë Bethel, lek Nhialic lɔ̈ŋ ë ke cï ke röt jat nhial ke ke dhiau në dhiëndït, agut cï thëën an:

1 Tham 11:4

Ago kɔc ë toc ɣet Gibia të nu Thaulo. Na wën aa lëkkï kɔc thoŋ ë bïïkï, go kɔc dhiau aläl në jiɛthëpiɔ̈u.

1 Tham 30:3

Na wën aa lɔ Debid bɛ̈n kekë kɔcke, gokï wut yök ke cï nyuɔp piny ku yökkï diäärken, ku mïthken, ku duetken acï keek peec.

1 Tham 4:13

Na wën aa bïï ke yök Eli arɛ̈ɛ̈r në thööcde nɔm në kueer këc ke woi kueeric, në luɔi ë diir en në biäk de Athänduŋ de Män ë Nhialic. Na wën cï raan bɛ̈n wut ku guïïr kɔc kë cï rɔt looi, ke wut ëbɛ̈n ë päl kiɛɛu.