1 Tham 30:21 - JAM DE NHIALIC 2011

²¹ Na wën, ke Debid puk e nɔm bot kaarou ke kɔckɛn wään cï döŋ ke ke kën lɔ tɔŋ në baŋ cïï kek dak arëët agokï döŋ në awuöl de Bethor lɔ̈ɔ̈m. Na wën ke ke loor Debid nɔm kekë kɔckɛn ke tɔŋ, go Debid keek lɔ thiëëc ke mit piɔ̈u.

1 Tham 30:21 ပူးပေါင်းရင်းမြစ်များ

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

Bäny 8:15

Go Gidiɔn rɔt jɔ pɔ̈k Thukoth ku lëk bäny an, “Kënë ee yï Dheba kekë Dhalmuna. Wään bä wek a dɔl guöp ë baŋden luɛlkï an, eeŋö duëër wok këcam gäm remduön ë tɔŋ cï dak, ke we kën yï Dheba kekë Dhalmuna dɔm? Kankï ke dɔm ke wo bï remduön ë tɔŋ cï dak cääm!”

1 Tham 17:18

Ku jɔt ca në kec kathiëër, yiɛ̈në ke bɛ̈ny de remdɛn ë tɔŋ wat agum. Ku tïŋ mïthëkɔckun luɔi tɔ̈u kek, ku lɔ yiɛ̈në yɛn kë bän e ŋic nɔn piɔl kek gup.

1 Tham 17:22

Na wën, ke Debid ë nyiëëŋ kacaam bɛ̈ny de kacaam, ku kɔt lee ë këërkëër de tɔŋic, le mïthëkɔcken luɔp në täu tɔ̈u kek.

1 Tham 30:10

Go Debid lɔ tueŋ kekë bot kaŋuan de kɔc, ku bot kaarou ke kɔc wën cï dak në luɔi teem kek awuöl acïk döŋ ciëën ë Bethor.

1 Tham 30:22

Na wën ke lueel kɔc kɔ̈k rac kɔc cïn piɔ̈ɔ̈th në ke yiic, kɔc wään cath ë Debid an, “Akënkï lɔ në wook ëtök, ka cuk keek bï miɔɔc ë ka wään lok peec. Ë ke nööm diäärken ku mïthken, ku ë ke jël.