1 Tham 3:19 - JAM DE NHIALIC 2011

¹⁹ Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.

1 Tham 3:19 ပူးပေါင်းရင်းမြစ်များ

Cäk 21:22

Në aköölkë, acï Abimelek kekë Pikol bɛ̈ny ë remdɛn de tɔŋ bɛ̈n lɛ̈k Abraɣam an, “Nhialic ee tɔ̈u ke yïn në këduön ye looi yic ëbɛ̈n.

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:3

Ago bɛ̈nyde ye tïŋ luɔi tɔ̈u ë Bɛ̈nydït ke yen. Ku tïŋ luɔi yen ka nu në yeciin ŋuak nyïïn.

1 Mel 8:56

“Thieithieei Bɛ̈nydït Yïn raan cï mät yiɛ̈n kɔckuön ke Yithriɛl, cït nɔn ɣɔn cïï Yen e than piny. Acïn thön töŋ kën rɔt lëu në thöön piɛth ɣɔn cï than në kueer ë Mothe raanduön ee Yïn luööi.

2 Mel 10:10

Kënë anyooth kë cïï Bɛ̈nydït lueel në biäk de käu de Aɣap, nɔn bï yen bɛ̈n ke ye yic. Bɛ̈nydït acï këdɛn cï than piny në tiëtdɛn Elija thok looi.”

2 Mel 15:12

Ka thön ë Bɛ̈nydït cï lɛ̈k melik Jeɣu acï aa yic an, “Mïthku abïk rëër në thööc de Yithriɛl nɔm ale guööt në rem ye rɛm ŋuan.”

2 Mel 22:16

An acï Bɛ̈nydït lueel an, “Tïŋ Yɛn bï kërac bɛ̈ɛ̈i ee tënë, Yɛn bï Jeruthalem kekë kɔckɛn ceŋ en luöi këtuc cït man ë jam cï gɔ̈ɔ̈r në awerekic, ku cï melik de Juda kueen.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Luk 1:28

Go tunynhial bɛ̈n ɣöt të nu yen, bï ku lueel an, “Thieithieei, nyan cï athiɛɛidït yök, Bɛ̈nydït atɔ̈u ke yïn! Yïn cï thieei ë diäär yiic!”

Luk 1:80

Ago meth dït, ku jɔ piɔ̈u riɛl, ku le ceŋ ë jɔ̈ɔ̈ric aɣët kööl bï en rɔ nyuöth Yithriɛl.

Luk 2:40

Go meth dït, abï piɔ̈u riɛl, go nɔm pɛl arëët: ku cath dhuëëŋ de Nhialic piɔ̈u kekë yen.

Luk 2:52

Go Yecu dït ku jɔ rɔ ŋuak ë pɛlënɔm, ku në miɛt ee Nhialic piɔ̈u miɛt në yen ayï kɔc.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

Nyöŋ 18:22

Na cï tiët jam në rin ke Bɛ̈nydït, ku kë cï lueel akën bɛ̈n ke ee yic, ka jamë acie jam de Bɛ̈nydït. Yen ee tiëtë aa jam në riɛlde, ku wek cïï bï riɔ̈ɔ̈c në yen.

2Tim 4:22

Ë Bɛ̈nydït Yecu Kërtho ë ye tɔ̈u ke wëiku. Ë dhuëëŋdepiɔ̈u ë ye tɔ̈u ke week wedhie Amiin

Jocua 21:45

Ku thön ë cïï Bɛ̈nydït thɔ̈n baai de Yithriɛl ëbɛ̈n, acïk rɔt bɛ̈n looi cït ee manë.

Bäny 13:24

Go tik mɛwä dhiëëth, ku ciëk rin an Thamthon ago meth dït, ku thieei Bɛ̈nydït.

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.

1 Tham 12:2

ku ënɔɔnë yen abï we wat. Na pëk ke ee yɛn ke yɛn cï dhiɔp ka yɛn cï nɔm ɣɛɛr, ku wɛ̈ɛ̈tkï atɔ̈ukï ë week ëtök. Yɛn aaye bɛ̈nydun gɔl ɣɔn ee yɛn dhuk agut cï ënɔɔnë.

1 Tham 16:18

Go lïmdɛn tök e lueel ëtɛ̈ɛ̈n an, “Jethe, raan wun ë Bethleɣem ade nɔm wëndɛn ŋic gut aläl. Ee wën läk, ku ee ŋeny de tɔŋ, ku aril, ku aŋic jam. Bɛ̈nydït atɔ̈u ke yen.”

1 Tham 18:12

Ku Thaulo aaye riɔ̈ɔ̈c në Debid në luɔi cïï Bɛ̈nydït ye nyääŋ piny, ku le tɔ̈u kekë Debid.

1 Tham 18:14

Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:5

Ku Debid aaye tiam në tɔɔŋiic kedhie, tɔɔŋ cïï Thaulo ye tuɔɔc thïn. Na wään, ke tɔ ye bɛ̈ny ë rem de tɔŋ, go kɔc piɔ̈ɔ̈th miɛt ëbɛ̈n alɔ gut bäny ke tɔŋ de Thaulo.

1 Tham 2:21

Go Bɛ̈nydït Ɣana thieei, ago mïth dhiëth kadhïc mïth röör kadiäk ku duet kaarou. Ago Thamwɛl dït ke kuany luɔi de Bɛ̈nydït yic.

1 Tham 2:26

Go Thamwɛl lɔ ke ŋuak luɔide tëde Bɛ̈nydït ku ŋuɛk mände kekë kɔc.

1 Tham 9:6

Go lïm bɛ̈ɛ̈r an, “Tïŋ wunë ade yic, raan de Nhialic, ee raan riëëuwë guöp aläl. Ku kë ye lueel ëbɛ̈n ee ya yic. lokku ëtɛ̈ɛ̈n ënɔɔnë tɛk däŋ bïï wok nyuöth kueer bï wok mul yök.”