1 Tham 29:10 - JAM DE NHIALIC 2011

¹⁰ Ka ënɔɔnë Debid, miäk adurduur week wedhie, wek kɔc wään cï Thaulo nyääŋ piny ku bäkkï të täu ɛn, wek bï röt dhil dap jɔt miäk rial ke piny ë ɣer.”

1 Tham 29:10 ပူးပေါင်းရင်းမြစ်များ

Cäk 22:14

Ago Abraɣam ëtɛ̈ɛ̈n cäk an, “Bɛ̈nydït abï aa miööc.” Ku agut cï ee köölë aye kɔc lueel an, “Në kuur ë Bɛ̈nydït nɔm abï miööc.”

1 Lëk 12:19

Go rem däŋ de tɔŋ ë dhiën ë Manatha röt mät Debid, wään le ë Debid tɔŋ kekë rem de tɔŋ ë Pilithiin, bïk lɔ thɔ̈ɔ̈r ë melik Thaulo. Aake kën kɔc ke Pilithiin kony ë yic, në biäk riɔ̈ɔ̈c ë meliik ke Pilithiin, ayek lueel nɔn duëër yen keek nyiɛɛn tëde Thaulo bɛ̈nydɛn thɛɛr, agokï tɔ puk rɔt ciëën Dhiklak.

1 Lëk 12:22

Akööl nyïïn kedhie kɔc aake ye bɛ̈n ku mɛtkï röt ë rem de tɔŋ ë Debid yic, abï ya remdïït de tɔŋ, cït rem de tɔŋ ë Nhialic.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

1 Tham 29:11

Go Debid jäl ɣɔn amiäk adurduur kekë kɔcke, ke puk enɔm piny de Pilithiin, ku jɔ Pilithiin lɔ Jedhreel,