1 Tham 28:23 - JAM DE NHIALIC 2011

²³ Ago Thaulo jaai an cïn kë bïï cam. Go bäny ke remdɛn ë tɔŋ yɔ̈ɔ̈k aya në luɔɔi bï en cam. Na wën ke jɔ gam, ku jɔt rɔt piny, ku nyuuc në agen nɔm.

1 Tham 28:23 ပူးပေါင်းရင်းမြစ်များ

1 Mel 21:4

Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

2 Mel 4:8

Na wën, ë kööl tök, ke Elica ë tëk ë Cunem të nu tiiŋ kueth thïn. Go ë tik en gëk an, bï bɛ̈n cam ë kuïn, ku na de të tëëk en ëtɛ̈ɛ̈n, ee rɔt yal baaide le cam ë kuïn.

2 Mel 5:13

Na wën, ke lïïmke ë ke lɔ ë yelɔ̈ɔ̈m, ku luelkï, an, “Bɛ̈ny, të ë tiët ë cï yï gäm luɔidït aläl, adï kɛ̈në looi. Ënɔɔnë, eeŋö cï yïn rɔt go lɔ waak cït man cïï yen e lueel, ke yï bï guöp waar?”

Ethta 1:6

Domdïït nu ëtɛ̈ɛ̈n acï geeu ë lupɔɔ de yiic kïn aräu cït luäät, ku ka ɣer cït alath, ke ke cï rek thook ë awiɛɛth cï wi, ku tɔc ke kɔ̈ɔ̈th ë kïn thith, ayïï kɔ̈k lɔ bilbil, cït adhɛ̈p, ayïï atek, ku lupɔ piɛth lɔ mot, ku lupɔɔ amujuŋ, ku kakë rëër cï looi në adhɛ̈p ku atek, kaɣer lɔ jämjäm, ku gomgooi, ku kuur läk cï ke tääu ëtɛ̈ɛ̈n.

Kɛ̈ŋ 25:20

Raan kït dit raan dhiau piɔ̈u ee ciët kë bïï lupɔɔ bei në yekɔ̈u ë rutic, ku cït kë tɛ̈ɛ̈u awai ë tëtök nyin.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Luk 14:23

Go bɛ̈ny lïm yɔ̈ɔ̈k an, ‘Jël lɔ ë kuɛɛr yiic ku kɛ̈l kɔ̈ɔ̈th, ku dhil ke thel abïk dhil bɛ̈n, ke ɣöndï abï thiäŋ.

Luk 24:29

Gokï pëën an, “Rɛ̈ɛ̈rë we wook, piny acï aa thëën, akɔ̈l ë thiɔ̈k ke lɔ piny.” Go lɔ ɣöt le rëër ke keek.

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

1 Tham 28:22

Yen ka ënɔɔnë loi kë bä thiëc yïn. Yïn bä luöi kuïn bä cam. Yïn bï dhil cam ago riɛl ku bä cäth lëu.”