1 Tham 26:5 - JAM DE NHIALIC 2011

⁵ Go rɔt jɔt ku lee, go lɔ yök ë yic, ago të ye Thaulo kekë Abener wën de Ner bɛ̈ny ë rem de tɔŋ de Thaulo niin thïn kɔɔr. Thaulo aa ye tɔ̈c në atookic thïn ku tɔ̈c remdɛn ë tɔŋ ke ke cï melik Thaulo gɛɛu cil.

1 Tham 26:5 ပူးပေါင်းရင်းမြစ်များ

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

1 Lëk 9:39

Ner ee yen ee wun Kic, ku Kic ee yen ee wun Thaulo. Ku Thaulo ade wɛ̈ɛ̈t kaŋuan yï: Jɔnathan, Malkicua, Abinadap ku Eecbaal.

1 Tham 17:20

Ago Debid rɔt jɔt adurduur, ku nyiëëŋ thök raandäŋ, ku jɔt kacaam cït man cïï Jethe ye lɛ̈k en. Na wën aa ɣeet, ke yök rem de tɔŋ ë Yithriɛl ke lɔ në këërkëër de tɔŋic, ke ke kit diɛt ke tɔŋ.

1 Tham 17:55

Wën tïŋ ë Thaulo Debid ke lɔ piɔ̈t ke Goliath, Thaulo acï Abener bɛ̈ny de remdɛn ë tɔŋ bɛ̈n luɔp an, “Abener, eeŋa de ee wëndɛnë?” Go Abener bɛ̈ɛ̈r an, “Akuöc bɛ̈nydï.”

1 Tham 26:4

go nëëmke tuɔɔc, go nëëmke lɔ yök nɔn tɔ̈u ë Thaulo ëtɛ̈ɛ̈n.

1 Tham 9:1

Ade raan wun ë Benjamin, raan kueth, acɔl rin Kic, ee wën de Abiel, Abiel wën de Dheror, ee raan dhiën de Bekorath, në biäk dhiën de Apia.