1 Tham 26:16 - JAM DE NHIALIC 2011

¹⁶ Abener, yïn cï löny në luɔidu yic! Yɛn cï kuëëŋ në Bɛ̈nydït pïïr an week wedhie wek rɔ̈ŋ në thuɔɔu, në biäk kɛ̈n wek bɛ̈nydun tiit, raan cïï Bɛ̈nydït tɔ ye melik. Tiëŋkï, tɔ̈u tɔŋ de melik ënou? Ku tɔ̈u aguun ë pïïu wään tɔ̈u ë yenɔm ë nou?”

1 Tham 26:16 ပူးပေါင်းရင်းမြစ်များ

2 Tham 12:5

Go Debid göth ke raan kueth ku lëk Nathan an, “Yɛn cï kuëëŋ në rin ke Bɛ̈nydït pïïr, raan ë loi ee kënë arɔ̈ŋ ke thuɔɔu!

2 Tham 19:28

Baai de wäär ëbɛ̈n arɔ̈ŋ bä keek nɔ̈k, ku yïn cï ya gäm yic bä cam wo yïn ë paamdu nɔm. Ka yɛn cïn nɔm yic bä kokëpiɔ̈u luɔp tëde melik.”

1 Mel 2:26

Go melik lɛ̈k Abiathar bɛ̈ny de kake Nhialic an, “Lɔ Anathoth wundun baaidu, yïn rɔ̈ŋ we thuɔɔu, ku yïn cä bï nɔ̈k ënɔɔnë, në luɔi ë nu Athänduŋ de män ë Bɛ̈nydït në yïciin wään nu yïn wekë wää Debid, ku yïn ë guömde ëbɛ̈n rɔm wekë yen ëtök.”

Diɛt 102:20

Acï teer de kɔc cï mac piŋ go kɔc gäm nɔm lääu kɔc cï guiir an bïï ke nɔ̈k.

Diɛt 79:11

Piŋ luɔi teer ë kɔc cï mac, ku në riɛldu luönyë kɔc cï mäc thuɔɔu bei!

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

1 Tham 20:31

Kuc luɔi cïï yïn duëër kɔn aa melik de ee pinyë të pïïr ë Debid? Jäl ënɔɔnthiinë lɔ bɛ̈ɛ̈iyë bä bɛ̈n nɔ̈k!”

1 Tham 24:6

ago lɛ̈k kɔcke an, “Nhialic abï ya muk ke ya cïï kërac bï luöi bɛ̈nydï, raan cï Bɛ̈nydït lɔc ke ye melik! Yɛn acä bï jak ë yaciin në luöi ee yen meliŋ ë lɔc Bɛ̈nydït!”

1 Tham 26:11

Ku Bɛ̈nydït acï jaai luɔi bän raan cï Bɛ̈nydït lɔc ke ye melik luöi kërac! Nömku tɔŋdɛn cï ciɛk piny në yenɔm, ku aguundɛn ë pïïu, ku jëlku.”

1 Tham 26:15

Go Debid bɛ̈ɛ̈r, an, “Abener cie yïn ee raan dïït ril de tɔŋ ë Yithriɛl? Ka eeŋö cï yïn bɛ̈nydu, melik ee gël? Ënɔɔnë raan aacï lɔ në atookic ke lɔ bɛ̈nydu nɔ̈k.

1 Tham 26:9

Go Debid lueel an, “Du bï luöi kërac! Bɛ̈nydït abï raan lui kërac melikdɛn cï lɔc luöi këtuc.”