1 Tham 26:10 - JAM DE NHIALIC 2011

¹⁰ Go Debid ŋoot ke jam an, “Në rin ke Bɛ̈nydït pïïr, aŋiɛc nɔn bïï Bɛ̈nydït guöp Thaulo nɔ̈k, nɔn bïï thou miäk të cïï köölde bɛ̈n, ku nɔn bï guɔ nɔ̈k në tɔŋic.

1 Tham 26:10 ပူးပေါင်းရင်းမြစ်များ

Cäk 47:29

Na wään, aacï Jakop thiɔ̈k ke thuɔɔu, ke cɔl Jothep wënde. Ku lëk en an, “Luötë yïcin në yaɣɔ̈ɔ̈m, ku kuëŋ nɔn cïn ɛn bï thiɔ̈k piny ë Rip.

Jop 14:14

Të cïï raan thou duëër bɛ pïïr? Yɛn bï tïït në ee wïtdiënë yic ëtɛ̈ɛ̈n, aɣet të bï ya waar.

Jop 14:5

Yïn cï runke mac nyïïn, ku Yïn cath we kuën ë pɛ̈ike, ku acï mäc kaam, ka cïï ke duëër kaac nïïm

Jop 7:1

Akööl ke mɛnh ë raan ë piny nɔm cïkï yiic ril cït luɔi de rem de tɔŋ, cïkï ril cït akööl ke raan lui ariöp ë kööl tök,

Diɛt 37:10

Kɔc rac abïk dap riäär ëthiäu, abäk keek aa kɔɔr, ku acäkï keek bï yök.

Diɛt 37:13

Ku Bɛ̈nydït ee kɔc rac geet gup, në luɔi ŋic en en nɔn cï aköölken guɔ thiɔ̈k.

Diɛt 94:23

Abï keek gɔ̈k në biäk de luɔi rɛɛcden, ku riëëk keek në biäk de karɛcken, Abïï Bɛ̈nydït Nhialinyda keek riɔ̈ɔ̈k.

Wɛ̈ɛ̈t 3:2

Ade kööl de dhiëth, ku ade kööl de thuɔɔu, ade kööl ë cum, ku kööl ë nyuɛ̈n bei.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”

Nyöŋ 31:14

Go Bɛ̈nydït Mothe yɔ̈ɔ̈k an, “Ënɔɔnë akööl ke Thondu acïk thiɔ̈k, cɔl Jocua ku bɛ̈ɛ̈iyë ë paany de mätic, aguɔ bɛ̈n gäm lööŋke.” Ago Mothe kekë Jocua lɔ në paany de mätic.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

Ɣeberuu 10:30

Cït man ŋic wok Bɛ̈nydït raan ë luel en an, “Guur ee këdï, abä cool nɔm,” ku ŋicku Bɛ̈nydït raan ë luel en ayadäŋ an, “Bɛ̈nydït abï löŋ de kɔcke guiir.”

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”

1 Tham 24:12

Bɛ̈nydït abï raan de guöp awäc tïŋ në kaamda wokë yïn! Ku Bɛ̈nydït abï kërɛɛcduön ye luöi ɛn cool nɔm, ku yɛn guöpdï, yɛn cïï yaciin bï tääu në yïguöp.

1 Tham 24:15

Bɛ̈nydït abï raan de guöp awäc tïŋ në wo yiic. Abï löŋdï tïŋ ku dɔm aril, abï yɛn thieei ku luɛ̈k ɛn në yïcin.”

1 Tham 25:26

Ku ënɔɔnë cït man cïï Bɛ̈nydït yïn tiit, ke yïn kën raan nɔ̈k, ku kɛ̈në rɔt guöör në ciindu, yɛn kuëëŋ në rin ke Bɛ̈nydït, ke ya rɛ̈ɛ̈r në yïnɔm eenë. Kɔc ke aterdu, ku kɔc kɔɔr bïk yïn luöi kërac, abïk ciët Nabal.

1 Tham 25:38

Na ɣɔn cïï nïn kathiëër wan, ke Bɛ̈nydït ë yup Nabal go thou.

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.

1 Tham 31:4

Go Thaulo dhuŋ muk kakɛn ë tɔŋ yɔ̈ɔ̈k an, “Bɛ̈ɛ̈iyë abätäudu bei ku näk ɛn, ke ya cïï kɔc kuc Nhialic bï bɛ̈n leeŋ ku näkkï yɛn.” Ku dhuŋ ee kakɛn ë tɔŋ muk aacï riɔ̈ɔ̈c arëët në luɔi bïï yen kë cït ee kënë looi.” Go Thaulo abätäude nööm ku cuɛt rɔt në ye thok.

1 Tham 31:6

Yen thon ë thouwë Thaulo kekë wɛ̈ɛ̈tke kadiäk ka, ku lɔ dhuŋ ee kakɛn ë tɔŋ muk, ago kɔc ke Thaulo kedhie thou ee köölë.