1 Tham 25:6 - JAM DE NHIALIC 2011

⁶ Gokï yɔ̈ɔ̈k bïk lɛ̈k Nabal an, “Yïn bï pïïr anandu, ku yïn bï guöp aa pial, wekë paandu, ku kakuön cath ë yïn abïk gup pial kedhie.

1 Tham 25:6 ပူးပေါင်းရင်းမြစ်များ

Cäk 43:23

Go lïm puɔ̈k nɔm keek an, “Duökï tɔ mum wenïïm, ku duökï riɔ̈c. Nhialicdun, Nhialic de wuöördun Yen adhil ke puɔ̈k nïïm në cualkuniic. Wëukun acä ke nööm.” Na wën, ke lɔ Thimion bɛ̈ɛ̈i të nu kek.

2 Tham 18:28

Na wën ke Aɣimaadh ë thiëc melik. Go yenɔm guöt piny në melik nɔm ku tueel an, “Leec Bɛ̈nydït Nhialicdu! Bɛ̈nydït acï kɔc tiam kɔc wään luui tɔŋ bɛ̈nydï.”

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

Diɛt 122:7

Në mät ë tɔ̈u ë kaldu yic ku bï ɣööt ke bääny yiic dɛ mät.”

Diɛt 122:8

Në biäk de kɔc raan ë yɛn ku määthkï acä lɛ̈k Jeruthalem an, “Në mät tɔ̈u ke yïn!”

Luk 10:5

Ku ɣön bä wek lɔ thïn ke jakï kɔn lueel an, ‘Ë mät tɔ̈u ke ɣönë.’

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

1 Theth 3:8

wok pïïr ënɔɔnë, të kääc wek aril ë Bɛ̈nydïtic.

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

1 Tim 5:6

Ku tiiŋ ee kuɛth ë yänyde kɔɔr tei, na ciɛk pïïr ka cï thou.

1 Tham 25:5

go dhuök kathiëër tooc ku lëk keek, bïk lɔ Karmel tëde Nabal ku takkï thiëcdï lɔ tënu yen.