1 Tham 25:36 - JAM DE NHIALIC 2011

³⁶ Na wën le Abigail tëde Nabal, go yök ke loi gökdïït de dhuëëŋ cït man ë kë de melik, aacï wiɛɛt aläl, go ciën kë lëk en agut të le piny ruu.

1 Tham 25:36 ပူးပေါင်းရင်းမြစ်များ

2 Tham 13:23

Na ɣɔn aacï run kaarou tëëk Abthalom aa de nɔm kɔc ë bɔ̈ në Baal Ɣadhor, thiääk ke Eparaim, bïk nhïm ke amɛ̈lke bɛ̈n tɛm. Go Abthalom wɛ̈ɛ̈t ke melik cɔɔl aya bïk bɛ̈n.

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

2 Tham 3:20

Na wën cï Abener lɔ Ɣebron tëde Debid ke cath ke kɔc thiërrou. Go Debid keek luöi këcam dït.

1 Mel 20:16

Aake gɔl mɛk de pänydït ke akɔ̈l ë kääc cil, ke Benɣadad cï dek ka cï wiɛɛt ë paanyde yic kekë bäny kɔ̈k mät në yen kathiërdiäk ku rou.

Diɛt 112:5

Thieithieei në raan ee miööc në piɔ̈n ɣer, ku tɔ luɔide cath ke cïn ruëëny.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Wɛ̈ɛ̈t 10:19

Thar ë dɔl ee kuɛth, ku ye miɛtëpiɔ̈u këde mɔ̈u, ku jɔ wëu këriëëc aa looi ëbɛ̈n.

Yith 28:3

Lɛc de bäny ee wiɛɛtë abïï duöm piny ë kɔc cök.

Yith 5:11

Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Ɣodh 4:11

Aye Bɛ̈nydït lueel an, “Mɔ̈u ë kɔckï riɔ̈ɔ̈k nïïm, nɔn yen mɔ̈n cï cieŋ, ku nɔn ee yen mɔ̈n ë piac ë dhiim!

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Luk 14:12

Go raan wën cɔl en yɔ̈ɔ̈k an, “Të looi yïn këcamdït ayï miäk ayï thëën, ke yï du määthku cɔl, ayï kɔc raan wek, ayï kɔc rɛ̈ɛ̈r wek ëtök kɔc cï bäny, ke ke cïï yï bï bɛ cɔɔl, cuutkï yïn.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

1 Tham 25:19

Ku jɔ lïïmke yɔ̈ɔ̈k, an, “Lak tueŋ në yanɔm, ku wek bä kuany cök.” Ku aa kën lɛ̈k Nabal monyde.

1 Tham 25:37

Na ɣɔn amiäk cï mɔ̈u jäl ë Nabal nɔm ke jɔ ë tiiŋde lɛ̈k ee kakë kedhie, go piɔ̈u löny, ku le lik cït man ë kuur.