1 Tham 25:34 - JAM DE NHIALIC 2011

³⁴ Bɛ̈nydït ë ya muk aguɔ week cïï lui kërac. Ku yɛn aacï kuëëŋ në Nhialic pïïr de Yithriɛl, na ë yï kën dap bɛ̈n yök wekë yɛn, aduëër ciën mony töŋ në mïth ke Nabal yiic, duëër döŋ ke pïïr, të bï piny ke ruu ë lë thɛɛr!”

1 Tham 25:34 ပူးပေါင်းရင်းမြစ်များ

Cäk 20:6

Ago Nhialic puɔ̈k nɔm en ë nyuöthic an, “Ee yic, aŋiɛc nɔn ë looi yïn en në ɣɛɛr ë piɔ̈u. Ee yen ë gɛ̈l Ɛn yïn, ke yï cïï ya bï wööc piɔ̈u, yen akɛ̈n Ɛn yïn tɔ jak en.

Jocua 10:6

Go kɔc ke Gibiɔn thok yiɛ̈n Jocua ke nu Gilgal, luelkï an, “Du wo pɛ̈l wei bɛ̈ny, dap bɛ̈n bä kony wook, luäk wook, meliik ke Amor acïk bɛ̈n kedhie në piny ë kuur, ku acïk kecin mat ku mookkï wo piny!”

Jocua 10:9

Go Jocua ruu ke cath kekë rem de tɔŋde, jëlkï Gilgal ke ke lɔ Gibiɔn, ku lek Amor mɔɔk piny ëthiäu.

1 Tham 11:11

Ago Thaulo remdɛn ë tɔŋ tɛ̈ɛ̈kic në tuuŋ kadiäk në ee wɛ̈ɛ̈rë yic. Na ɣɔn amiäk adurduur, ke ke mook kɔc ke Ammon piny. Na wën aacï akɔ̈l kɔ̈ɔ̈c cil ke ke näk kɔc juëc aläl në keyiic. Ago kɔc cï döŋ ë keyiic jɔ aa kat ke ŋɛk ë cök enɔm tëde pei.

1 Tham 25:18

Ago Abigail rɔt dap jɔt, ku looi kuïn dït agök, ku töny ke mäu kaarou, ku amɛ̈l cï nyop kadhïc, ku apeet kaarou de rɛɛp cï guöör, ku kuïïn de anyuɔl, ku mɔ̈n de enap cï dhiim, ku tɛ̈ɛ̈u keek ë mul kɔ̈ɔ̈th.

1 Tham 25:22

Të le yen dɛ raan töŋ dɔ̈ŋ në mïth röör ke dhiënde yiic, ke Nhialic abï ya thiëëc, abä keek nɔ̈k miäk adurduur akën akɔ̈l thok bɛ̈n!”

1 Tham 25:26

Ku ënɔɔnë cït man cïï Bɛ̈nydït yïn tiit, ke yïn kën raan nɔ̈k, ku kɛ̈në rɔt guöör në ciindu, yɛn kuëëŋ në rin ke Bɛ̈nydït, ke ya rɛ̈ɛ̈r në yïnɔm eenë. Kɔc ke aterdu, ku kɔc kɔɔr bïk yïn luöi kërac, abïk ciët Nabal.

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.