1 Tham 25:28 - JAM DE NHIALIC 2011

²⁸ Yïn liɛm bä lïmdu päl awäc, ku Bɛ̈nydït abï thöny ë bɛ̈nydï tɔ kääc aril, në luɔi thɛ̈ɛ̈r en tɔŋ de Bɛ̈nydït, ku acïn kërɛɛc bïï yök në luɔɔidu yic në akööl pïïr yïn.

1 Tham 25:28 ပူးပေါင်းရင်းမြစ်များ

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

2 Tham 7:11

Të la Yɛn bäny ee löŋ guiir kuɛ̈ny kɔckiën ke Yithriɛl, yïn bä gäm mät wekë kɔc dɛ wek ater kedhie. Ku acä lɛ̈k yïn aya nɔn bän käudu tɔ ye melik ë yïcök.

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

2 Tham 7:27

Bɛ̈nydït de rɛm, Nhialic de Yithriɛl! Yɛn ril nyin në biäk bän Yï lɔ̈ŋ ee lɔ̈ŋë, në baŋ cïï Yïn a nyuöth ee kakë kedhie, yɛn lïmdu, ku luɔi cïï yïn E lueel an bä käudï tɔ ee meliik.

1 Mel 15:3

Acï karɛc cït karɛc ɣɔn ye wun kɔn looi ë yenɔm looi, ku acïï Bɛ̈nydït Nhialicde ee riëëu, cï kuɛɛrë Debid.

1 Mel 15:5

Bɛ̈nydït aa loi ee kënë në luɔi cï Debid yen tɔ mit piɔ̈u, ku acïn löŋdɛn cï kɔn dhoŋ kɔ̈u, ee këde tiiŋ de Yuria yetök raan ë Ɣit.

1 Mel 9:5

ke Yɛn bï thön wään cä thɔ̈n Debid wuurë döt, thön wään bïï lɛ̈k en an mïthku abïk tɔ̈u ë thööny de Yithriɛl nɔm ananden.

1 Lëk 17:25

Yɛn cï piɔ̈u riɛl bä yïn lɔ̈ŋ ee lɔ̈ŋë, Nhialicdï, në biäk cïï yïn yɛn nyuöth ee kakë kedhie, yɛn awundu, ku Yïn cï yɛn yɔ̈ɔ̈k nɔn bï yïn kuatdï tɔ ee meliik.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

Diɛt 7:3

Bɛ̈nydït Nhialicdï, na de kë cä wööc, na de kërɛɛc cä luöi raan ŋïc wok rëër, ku nɔn cän kake raan de wok ater peec në kë cie yic, na de kë cä looi në ee kake yiic,

Diɛt 89:29

Yɛn bï bäänyde tɔ tɔ̈u aɣet athɛɛr, ku thööcde abï tɔ̈u cït täu de paannhial.

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 23:41

Ku këtuc cuk yök wook acï tiiŋ nɔm ëgɔk, wo cï kë röŋ ke luɔida jɔ yök: ku raanë acïn kërɛɛc cï looi.”

Luk 23:47

Na wën, ke bɛ̈ny de tɔŋ kabɔt, të cï en kë cï tïc tïŋ, ke lec Nhialic, lueel an, “Raanë ee raan piɛthpiɔ̈u ë yic!”

1 Tham 15:28

Go Thamwɛl lëk yen an, “Bɛ̈nydït ë bääny de Yithriɛl rɛ̈ɛ̈t bei ee köölë tëde yïn ku gëm raan thiääk wek, Raan ŋuän në yïn, cït man cï yïn lupɔdï reet thok.

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”

1 Tham 18:17

Ku ëtɛ̈ɛ̈n, acïï Thaulo bɛ̈n lɛ̈k Debid an, “Merap kï, nyandiën dït. Abä gäm yïn thiaak, të le yïn ɛn gam thok, ku biök tɔŋ ë Bɛ̈nydït apiɛth.” (Aa cïï Thaulo kɔɔr luɔi bï yen e nɔ̈k në yeciin, aa kɔɔr nɔn bïï kɔc ke Pilithiin ye lɔ nɔ̈k tɔŋ).

1 Tham 2:35

Yɛn bï bɛ̈ny de kake Nhialic adöt lɔc, raan bï këde Yapiɔ̈u looi. Abä gäm mïth juëc, ku abï A luööi ëceŋ të tɔ̈u melikdiën cä lɔc thïn.

1 Tham 22:14

Ago Aɣimelek bɛ̈ɛ̈r, an, “Eeŋa nu në bänyku yiic, raan ee yïn riëëu cït man ë Debid, mony de nyan ë melik, bɛ̈ny de kɔc ee yïn tiit, ku raan ye kɔc riëëu aläl paandu?

1 Tham 24:11

Tïŋ ënɔɔnë wäär, tïŋ biäk de lupɔduön nu në yaciin! Yɛn cï biäk thiin akäŋ tëëm bei në lupɔdu thok, ku yïn kën nɔ̈k. Ënɔɔnë ŋic ëgɔk nɔn cïn en kërɛɛc kaar bä luöi yïn, ku nɔn cïn en tɔŋ kɔ̈ɔ̈r yïn. Acïn kërɛɛc cä luöi yïn, ku yïn yɔ̈p ɛn bä yɛn nɔ̈k, cakaa nɔn cïn en kë cä wäc yïn.

1 Tham 24:17

Go lɛ̈k Debid an, “Yïn cï ya looi apiɛth, ku yïn ya luööi arac!

1 Tham 24:21

Ënɔɔnë kuɛ̈ɛ̈ŋë në rin ke Bɛ̈nydït, në luöi cïï yïn mïth ke mïthkï bï riɔ̈ɔ̈r nyïïn, ku cïï keek bï nyaai rin paan de wäär.”

1 Tham 24:4

Gokï lɛ̈k en, an, “Kënë ee miɛtë guöpdu. Acïï Bɛ̈nydït lɛ̈k yïn, nɔn bïï Yen kɔc ke aterdu tääu në yïcin, ku aduëërë luöi këduön kɔɔr bä luöi en.” Go Debid mol ke lɔ të nu Thaulo ku teem lupɔ de Thaulo thok ke kuc Thaulo.

1 Tham 25:24

ku wïïk në yecök, ku lueel an, “Bɛ̈nydï tɔ awäc lööny në yakɔ̈u yatök, yïn liɛm në luöi bïï yïn lïmdu tɔ jam kekë yïn, piŋ kë bï lïmdu lueel.

1 Tham 29:3

Na wën cï bäny ke rem de tɔŋ ë Pilithiin keek tïŋ, gokï lop an, “Eeŋö looi ë Ɣeberuukë eenë?” Go Acic bɛ̈ɛ̈r an, “Kënë ee Debid, raan ee Thaulo melik de Yithriɛl luööi. Ku yen acï rëër ke yɛn në kaam bääric eenë. Ku acïn kërɛɛc cï wööc në kaam cï yen kök tëde yɛn agut cï ee köölë.”

1 Tham 30:26

Na wën ke Debid puk e nɔm Dhiklak, ku jɔ ka wën cïï peec tuöc määth ke, ku röördït ke Juda an, “Kënë ee miɔ̈c gäm week miɔ̈c wään pec tëde kɔc ke ater ë Bɛ̈nydït.”