1 Tham 25:27 - JAM DE NHIALIC 2011

²⁷ Ku miɔ̈c cï lïmdu yiɛ̈n bɛ̈nydï, ë gëmë kɔc ee yïn kuany cök.

1 Tham 25:27 ပူးပေါင်းရင်းမြစ်များ

Cäk 33:11

Dɔm miɔ̈cdiën cä tuöc yïn, yïn läŋ, në luɔi cï Nhialic ya ŋiëc looi apiɛth, ka yɛn ë nɔm dɛ kajuëc aläl ënɔɔnë.” Na wën, acï Jakop Ethau lɔ̈ŋ arëët, ke dɔm ë Ethau keek.

2 Tham 16:2

Go melik Debid ye luɔp an, “Ee käŋö bä lɔ looi ee kake kedhie?” Go Dhiba puɔ̈k nɔm yen an, “Mulkë abïï kɔc ke paandu cath ë keek kɔ̈ɔ̈th. Ku kuïn cï pamë kekë mïth ke tiim amäi abïï lïïmku keek cam. Ku mɔ̈u ë këde kɔc kedhie, bïk dek të cïï raan dak në jɔ̈ɔ̈ric.”

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

Kɛ̈ŋ 18:16

Miɔ̈c gɛmë raan në dhuëëŋ ee ye lɛɛr në bɛ̈ny lɔ̈ɔ̈m.

2 Kor 9:5

Aguɔ lueel ë yapiɔ̈u an, bä mïthëkɔckuɔ dhil yɔ̈ɔ̈k an, bïk kɔn lɔ tëde week, lek kë cäk gam ë dhuëëŋ kɔn guik abï thök, kë cän këde kɔn lɛ̈k week, luɔi bï en aa këde dhuëëŋ, acie këde ciɛɛŋ cï we dhil cieŋ.

Bäny 4:10

Go Barak dhiëën ke Dhebulun kekë Naptali caal Kedec, go aguum kathiëër ke kɔc ye kuany cök, ku lɔ Debora kekë yen.

1 Tham 25:42

Ago Abigail rɔt gɔp kɛɛc ë muul kɔ̈u kekë duet lïïmke kadhïc, ku lee kueer kekë kɔc ke Debid, go jɔ ya tiiŋ de Debid.

1 Tham 30:26

Na wën ke Debid puk e nɔm Dhiklak, ku jɔ ka wën cïï peec tuöc määth ke, ku röördït ke Juda an, “Kënë ee miɔ̈c gäm week miɔ̈c wään pec tëde kɔc ke ater ë Bɛ̈nydït.”