1 Tham 24:4 - JAM DE NHIALIC 2011

⁴ Gokï lɛ̈k en, an, “Kënë ee miɛtë guöpdu. Acïï Bɛ̈nydït lɛ̈k yïn, nɔn bïï Yen kɔc ke aterdu tääu në yïcin, ku aduëërë luöi këduön kɔɔr bä luöi en.” Go Debid mol ke lɔ të nu Thaulo ku teem lupɔ de Thaulo thok ke kuc Thaulo.

1 Tham 24:4 ပူးပေါင်းရင်းမြစ်များ

2 Tham 4:8

Na wën aa cïk ɣëët Ɣebron, gokï nɔmde gäm Debid ku lëkkï melik an, “Ŋö nɔm de Yiciboceth kï, wën ë Thaulo raan dɛ wek ater. Aa kɔɔr an nɛ̈k yïn! Ee köölë Bɛ̈nydït acï yïn cuööt në Thaulo ke ke dhiënde në kë cïk luööi yïn!”

Jop 31:31

ku na kën kɔc ke baaidï e lueel an, eeŋa kën kɔn kuɛth në kuïn eenë?

Diɛt 142:1

Yɛn ee Bɛ̈nydït cɔɔl bï a kony, aya lɔ̈ŋ ë piɔ̈ndï ëbɛ̈n.

Diɛt 57:1

Nhialic kokëpiɔ̈u në yɛn, kokëpiɔ̈u në yɛn, në luöi ee yɛn luääk kɔɔr tëde Yïn, ee riɛldu yen ee ya gël, agut të le amaŋ de riääk wan.

Bɛ̈n 21:13

Ku na de raan cï raan wääth, ku nɛ̈k ke ë cïï köör nääk, ku ee Nhialic yen ë tɔ raan wɛ̈ɛ̈th raan aduëër rɔt kual ke lɔ të bä lɔ̈c week. Ku ëtɛ̈ɛ̈n, aduëër poth.

1 Tham 22:1

Go Debid jäl wun ë Gath ku le thiaan në kökic, köŋ thiääk kekë wun de Adulam. Na wën aacï mïthëkɔcken ku kɔc paanden ye piŋ nɔn nu yen ëtɛ̈ɛ̈n, gokï biɔɔth cök ku mɛ̈tkï röt yen.

1 Tham 23:17

ago Jɔnathan lueel, an, “Du riɔ̈c, wäär Thaulo acïï yïn bï nɔ̈k. Yïn bï ya melik de Yithriɛl ku yɛn bï lɔ në yïcök, ayï wäär Thaulo aŋic ee kënë.”

1 Tham 23:7

Ku Thaulo aacï lɛ̈k nɔn cïï Debid lɔ Keila, go lueel an, “Acï Nhialic jɔ tääu në yacin, Debid acï rɔt math, luɔi bï yen lɔ wun cï gël në kur, ku de thok athïïn dït.”

1 Tham 24:10

Ee köölë acï tïŋ në yïnyin luöi cï Nhialic yï tääu në yaciin wën thɛɛr në kökic. Kɔc kɔ̈k acïk ya yɔ̈ɔ̈k an näk yïn, guɔ yïn puɔ̈l, acä lueel nɔn cän yaciin bï tääu në bɛ̈nydï guöp, në luöi cï Bɛ̈nydït yïn lɔc bä ya melik.

1 Tham 24:18

Ënɔɔnë yïn cï ya piac lëk këpiɛth cï luöi yɛn, Bɛ̈nydït acï ya tääu në yïciin, ago yɛn kɛ̈n nɔ̈k.

1 Tham 26:23

Ku Bɛ̈nydït ee raan piathëpiɔ̈u ëbɛ̈n ku raan adöt ëbɛ̈n gäm athiɛɛi. Köölë acï yï tääu në yacin, ku yïn kɛ̈n luöi kërac, yïn raan cï Bɛ̈nydït tɔ ye melik.