1 Tham 24:18 - JAM DE NHIALIC 2011

¹⁸ Ënɔɔnë yïn cï ya piac lëk këpiɛth cï luöi yɛn, Bɛ̈nydït acï ya tääu në yïciin, ago yɛn kɛ̈n nɔ̈k.

1 Tham 24:18 ပူးပေါင်းရင်းမြစ်များ

Cäk 38:26

Go Juda ke tïŋ ku lueel an, “Ade nɔm gök ë yic, ee yɛn de guöp awäc. Akɛ̈n tɔ nööm ë Cila wëndï tɔ ye tik.” Juda akën bɛ̈n bɛ tɔ̈c ke yen anande.

Diɛt 31:8

Yïn kën ɛn päl kɔc ke aterdï bïk a peec, Yïn cï ya gäm nɔm lääu bän lɔ të kaar.

Diɛt 7:5

ke Yï tɔ ya kuɛny ë kɔc de aterdï cök, ku tɔ ke gïth ɛn, ku tɔ ke dɔm ɛn, ku näkkï yɛn, ku nyiëëŋkï ya piny ke ya cï thou!

Kɛ̈ŋ 25:22

yen ee kënë, yen abï yen tɔ gɔ̈k rɔt yetök, ku Bɛ̈nydït abï yï cuööt.

1 Tham 23:12

Go Debid bɛ lueel an, “Bï kɔc ke Keila ya gäm Thaulo wokë kɔckï ëtök?” Ago Bɛ̈nydït bɛ̈ɛ̈r an, “Abïk week gam.”

1 Tham 23:7

Ku Thaulo aacï lɛ̈k nɔn cïï Debid lɔ Keila, go lueel an, “Acï Nhialic jɔ tääu në yacin, Debid acï rɔt math, luɔi bï yen lɔ wun cï gël në kur, ku de thok athïïn dït.”

1 Tham 24:10

Ee köölë acï tïŋ në yïnyin luöi cï Nhialic yï tääu në yaciin wën thɛɛr në kökic. Kɔc kɔ̈k acïk ya yɔ̈ɔ̈k an näk yïn, guɔ yïn puɔ̈l, acä lueel nɔn cän yaciin bï tääu në bɛ̈nydï guöp, në luöi cï Bɛ̈nydït yïn lɔc bä ya melik.

1 Tham 24:19

Të cïï raan, raan dek kek ater yök, duëër pɔ̈l ke cïï lui kërac? Bɛ̈nydït abï yï thieei apiɛth në biäk de këpiɛth cï luöi yɛn ee köölë.

1 Tham 26:23

Ku Bɛ̈nydït ee raan piathëpiɔ̈u ëbɛ̈n ku raan adöt ëbɛ̈n gäm athiɛɛi. Köölë acï yï tääu në yacin, ku yïn kɛ̈n luöi kërac, yïn raan cï Bɛ̈nydït tɔ ye melik.

1 Tham 26:8

Go Abicai lɛ̈k Debid an, “Nhialic acï kɔc ke aterdu tääu në yïcin ee köölë, ka ënɔɔnë tɔ thäär piny në tɔŋ tök, ku acä duëër thɔ̈ɔ̈r raanrou!”