1 Tham 23:2 - JAM DE NHIALIC 2011

² Go Bɛ̈nydït luɔp an, “Bä Pilithiin lɔ mak?” Go Bɛ̈nydït bɛ̈ɛ̈r, an, “Ɣɛɛ, lɔ makë Pilithiin ku luäk kɔc wun ë Keila.”

1 Tham 23:2 ပူးပေါင်းရင်းမြစ်များ

2 Tham 2:1

Na wën ke Debid ë lop Bɛ̈nydït an, “Duëër lɔ bä wun tök lɔ nööm në wuöt ke Juda yiic?” Go Bɛ̈nydït lɛ̈k Debid an, “Lɔɔr.” Go Debid thiëëc an, “Ee wunnou bän lɔ thïn?” Go Bɛ̈nydït puk nɔm an, “Lɔɔr Ɣebron.”

2 Tham 5:19

Na wën ke Debid ë lop Bɛ̈nydït an, “Bä Pilithiin lɔ mak? Bä yɛn tɔ tiëm?” Go Bɛ̈nydït lɛ̈k Debid an, “Lɔɔr! Abä keek lɔ tiam!”

2 Tham 5:23

Na wën ke Debid ë be Bɛ̈nydït luɔp, go ë Bɛ̈nydït bɛ̈ɛ̈r an, “Du Pilithiin mɛk në biäk tueŋ, lɔɔ tɛ̈ɛ̈k në kekɔ̈ɔ̈th ciëën, ku jɔ keek lɔ mak në baŋ tui tëde tiim ke baltham.

1 Lëk 14:10

Go Debid Nhialic thiëëc an, “Bä kɔc ke Pilithiin mak? Ku bä yɛn tɔ tiëm?” Go Bɛ̈nydït puk nɔm an, “Ɣɛɛ, makë keek ku yïn bä tɔ tiëm!”

Diɛt 32:8

Acï Bɛ̈nydït lueel an, “Yïn bä wɛ̈ɛ̈t ku nyuöth yïn kueer bïï yïn lɔ thïn, yïn bä wat ku tiɛɛt yïn në kë bï yïn yök.

Jeremia 10:23

Bɛ̈nydït, aŋiɛc acïn raan ŋic të duëër ë nïnke lɔ thök thïn, acïn raan muk wëike.

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Jocua 9:14

Ago kɔc ke Yithriɛl nöm në kacaamkeniic ku cïkkï Bɛ̈nydït be luɔp në biäkden.

Bäny 1:1

Na ɣɔn në thon de Jocua cök, ke kɔc ke Yithriɛl ë ke lɔ tëde Bɛ̈nydït bïk kë lee lɛ̈k keek lɔ piŋ. Gokï Bɛ̈nydït thiëëc an, “Ee dhiën nou në dhiënkuɔ yiic, dhiën bï lɔ tueŋ, ago tɔŋ lɔ thɔ̈ɔ̈r kekë Kanaan?”

1 Tham 10:22

Agokï Bɛ̈nydït bɛ luɔp an, “Nu raan cï lɔc ënou? Nu në woyiic eenë?” Go Bɛ̈nydït bɛ̈ɛ̈r an, “Yeka cï thiaan në yuöötic tɛ̈n?”

1 Tham 14:37

Ago Thaulo Nhialic luɔp, an, “Bä lɔ piny la Pilithiin mak? Bä keek tɔ tiaam?” Ku Nhialic akën lopde bɛ̈n bɛ̈ɛ̈r ee köölë.

1 Tham 23:3

Ago kɔc ke Debid yen yɔ̈ɔ̈k an, “Ënɔnthiin rëër wok ë Juda wok riɔ̈c, ku na lok lɔ Keila ku mɛkku Pilithiin cuku bï jɔ riɔ̈ɔ̈c aläl?”

1 Tham 23:4

Ago Debid Bɛ̈nydït bɛ lɔ luɔp, go Bɛ̈nydït lɛ̈k en an, “Lɔɔr Keila ku yïn bä tɔ tiam Pilithiin ee köölë.”

1 Tham 23:6

Ku Abiathar wën de Aɣimelek aacï lupɔ de ajïpɔ bɛ̈ɛ̈i kekë yen, ɣɔn kɔt en ke lɔ tënu Debid në Keila.

1 Tham 30:8

Go Debid Bɛ̈nydït luɔp an, “Bä lɔ ee kɔckë cök? Ku bä keek gïth?” Go puɔ̈k nɔm en an, “Lɔ ë kecök abä ke lɔ gïth, ku yïn bï kɔc cï peec dɔ̈k nïïm ciëën.”