1 Tham 22:5 - JAM DE NHIALIC 2011

⁵ Na wën ke tiët Gad ëbɔ̈ tëde Debid lueel, an, “Jël tëde thiaan eenë raantök ku lɔɔr Juda ku du rɛ̈ɛ̈r eenë.” Go Debid jäl ku lee roor de Ɣereth.

1 Tham 22:5 ပူးပေါင်းရင်းမြစ်များ

2 Tham 23:14

Ku Debid aa nu wun cï gëlic, ku kut de Pilithiin aake cï Bethleɣem ɣap.

2 Tham 24:11

Na ɣɔn amiäk, aa pääc Debid ë nïn yic, go jam de Bɛ̈nydït bɛ̈n tëde tiët Gad, monydaai de Debid, lueel an,

1 Lëk 11:16

Ku ee kaamë yic Debid aa rɛ̈ɛ̈r ë kuur cï gël nɔm, ku kuut ë Pilithiin acïk Betheleɣem nööm.

1 Lëk 21:9

Go Nhialic Gad yɔ̈ɔ̈k, monydaai de Debid,

1 Lëk 29:29

Ku këriëëc ëbɛ̈n cï melik Debid looi, gɔl tueŋ leer ciëën, acï ke gɔ̈ɔ̈r në awerek de kathɛɛr ke tït kadiäk yiic, Thamwɛl monydaai, ku tiët Nathan, ku Gad monydaai.

2 Lëk 29:25

Go melik lööŋ cïï Bɛ̈nydït lɛ̈k melik Debid në jam de tiët Nathan ku Gad monydaai looi, go Lebai tɔ kääc në Luaŋdïtic, ke ke muk thoom ku lɔ̈r,

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

1 Tham 22:4

Ago Debid wun kekë man nyäŋ melik de Mowap, ku jɔkï rëër ëtɛ̈ɛ̈n në nïn wään ye Debid tɔ̈u tëde thiaan në kɔ̈k yiic.