1 Tham 22:23 - JAM DE NHIALIC 2011

²³ Rɛ̈ɛ̈rë wekë yɛn, ku du riɔ̈c. Thaulo akɔɔr bïï yïn nɔ̈k ku akɔɔr bï ya nɔ̈k aya, ku yïn bï dhil poth wek yɛn.”

1 Tham 22:23 ပူးပေါင်းရင်းမြစ်များ

2 Tham 9:7

Go Debid lɛ̈k en an, “Du riɔ̈c. Yɛn bï piɔ̈u piath wokë yïn, në biäk de wuur Jɔnathan. Yïn bä dɔ̈k nɔm piny de kuaar Thaulo ëbɛ̈n, ku yïn bï ya cam we yɛn në paamdï nɔm aköölnyïïn.”

1 Mel 1:7

Ago Adonija Jowap wën tiiŋ cɔl Dheruia ku Abiathar bɛ̈ny de kake Nhialic cɔɔl bïk mat ë yen, agokï gam bïk kuɔny bï aa melik.

1 Mel 2:26

Go melik lɛ̈k Abiathar bɛ̈ny de kake Nhialic an, “Lɔ Anathoth wundun baaidu, yïn rɔ̈ŋ we thuɔɔu, ku yïn cä bï nɔ̈k ënɔɔnë, në luɔi ë nu Athänduŋ de män ë Bɛ̈nydït në yïciin wään nu yïn wekë wää Debid, ku yïn ë guömde ëbɛ̈n rɔm wekë yen ëtök.”

Math 24:9

E aköölkë ke we bï yiɛ̈n kɔc, kɔc bï we luöi kërac, ku näkkï week abäk thou, ku we bï maan ë juöör ëbɛ̈n në baŋ de rinkï.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 18:9

(Aa luel ee kënë luɔi bï jam wën cï lueel aa yic an, “Në kɔckë yiic kɔc cï gäm ɛn, acïn töŋ cä tɔ mär.”)

1 Tham 23:17

ago Jɔnathan lueel, an, “Du riɔ̈c, wäär Thaulo acïï yïn bï nɔ̈k. Yïn bï ya melik de Yithriɛl ku yɛn bï lɔ në yïcök, ayï wäär Thaulo aŋic ee kënë.”