1 Tham 22:2 - JAM DE NHIALIC 2011

² Ago kɔc wään yɔŋ keek ayï kɔc cï piɔ̈ɔ̈th dak, ku lɔ kɔc de gup käny röt mat në Debid, aake ye bot kaŋuan kedhie, ku tɔ rɔt ee bɛ̈nyden.

1 Tham 22:2 ပူးပေါင်းရင်းမြစ်များ

2 Tham 17:8

Yïn ŋic wuur kekë remdɛn ë tɔŋ ayek kɔc ŋic tɔŋ thɔ̈ɔ̈r, ku ayek jööt cït ŋun ë köörayuääl cï rum ë mïthke. Ku wuur ee raan cï wëët ë tɔɔŋ yiic, acie niin wäkɔ̈u kekë remdɛn ë tɔŋ ëtök.

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

2 Mel 4:1

Tiiŋ abaar de raan töŋ de kuut ë tït acï kiɛɛu mɔ̈c Elica an, “Bɛ̈nydï, monydï acï thou! Cït man ŋic yïn en, aaye raan ee riɔ̈ɔ̈c në Bɛ̈nydït, ku ënɔɔnë raan ë käny acï bɛ̈n, ku akɔɔr bïï wɛ̈ɛ̈tkï kaarou jɔt bïk aa lïïmke në baŋ de käny ë monydï.”

Kɛ̈ŋ 31:6

Mɔ̈u tuc ee këde kɔc thou, ku mɔ̈u ee këde kɔc nuan.

Math 11:12

Ɣɔn kɔnë Jɔn Baptith bɛ̈n aɣet cï ënɔɔnë tɔŋ ril aye lɛɛr ciɛɛŋ de paannhial, go kɔc ë tɔŋ lɛɛr ë ruprup agokï ciɛɛŋ rum.

Math 11:28

Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

Bäny 11:3

Go Japetha kat ë mïthëkɔcken ku lee rëër piny ë Tɔp. Ëtɛ̈ɛ̈n go kuut ë kɔc rac mat nïïm, ku yek kuany cök.

Bäny 18:25

Go kɔc ke Dan bɛ̈ɛ̈r an, “Tit yïthok në kë bä lueel, kɔc kɔ̈k në woyiic ayek dap gɔ̈th, ku aduëërkï gɔ̈th ënɔɔnë ku nɛ̈kkï yïn wekë baaidu.”

1 Tham 1:10

Ɣana aa cïï piɔ̈u jiɛth aläl ku lɛ̈ŋ Bɛ̈nydït ke dhiau në jiɛthëpiɔ̈u.

1 Tham 22:3

Go Debid jäl ëtɛ̈ɛ̈n lee Midhpa në Mowap, ago lɛ̈k meliŋ de Mowap, an, “Yïn läŋ, tɔ wäär kekë maar rɛ̈ɛ̈r në yïn, agut të lan kë köör ë Nhialic ɛn yök.”

1 Tham 23:13

Ago Debid kekë bot kadhetem de kɔcke kedhie, Keila nyääŋ piny raan tök, ku jɔkï ruu ke ke cath. Na wën aa lɔ Thaulo ye piŋ nɔn cï Debid rɔt kual, go mɔ̈l në luöi bï yen wut bɛ mak.

1 Tham 25:13

Ago Debid kɔcke yɔ̈ɔ̈k an, “Nämkï tɔɔŋkun, agokï tɔɔŋken nööm, ku tɛ̈ɛ̈u Debid tɔŋde aya, kë cït bot kaŋuan ke kɔc acïk bɛ̈n lɔ në Debid, ku dɔ̈ŋ bot kaarou ke kɔc në käŋ lɔ̈m.

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.

1 Tham 9:16

lueel an, “Në kaam cït ee kaamë miäk. Yïn bä tuöc raan bɔ̈ dhiën de Benjamin, tɔc nɔm ke ye melik de kɔckiën ke Yithriɛl, abï kɔckï luök në kɔc ke Pilithiin cin, Yɛn cï nuan de kɔckï tïŋ, ku Yɛn cï dhiëndɛn kɔɔr kek kuɔɔny piŋ.”