1 Tham 22:18 - JAM DE NHIALIC 2011

¹⁸ Na wën ke melik ë yöök Doweg, an, “Yïn puk rɔt ku näk bäny ke kake Nhialic.” Ago Doweg raan de Edom keek nɔ̈k kedhie. Në ee köölë yic acï bäny ke kake Nhialic kathiërbɛ̈t ku dhïc bɛ̈n nɔ̈k, kɔc ee ajïpɔ ɣääc.

1 Tham 22:18 ပူးပေါင်းရင်းမြစ်များ

2 Lëk 24:21

Melik Jowac acï mat ke kɔc lui Dhekaria kiɛɛr rac, go melik keek yɔ̈ɔ̈k bïk Dhekaria biɔ̈ɔ̈k ë kur në kal ë Luaŋdït yic.

Diɛt 78:64

Ku bänykɛn ke kake Nhialic acïk thou në akuöörkuöör, ku diëërkɛn abɛɛr acï keek pɛ̈n dhiëëu.

Bɛ̈n 28:40

“Guötë wɛ̈ɛ̈t ke Aron aluluut, ku lupɔɔ ke duöt ë yic, ku atɛ̈ɛ̈ny ë kenïïm, ke bï ke tɔ läk, ku tɔ keek rïïuwë gup.

Kɛ̈ŋ 24:15

Du rɔt bï tɔ cït kɔc ee karɛc looi ee kɔc piɛthpiɔ̈ɔ̈th buuth në ɣöötken kut ku rumkï bɛ̈iken.

Ɣodh 5:11

Yithriɛl ayɔŋ, acï dumic në baŋ kuɛny en ɣääriic cök.

Ɣodh 7:3

Aye Bɛ̈nydït lueel an, “Ayek melik miët piɔ̈u në karɛc yek looi, ku tɔkï bäny mitpiɔ̈ɔ̈th në tör ë lueth.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Dhep 3:3

Bänyke ayek ŋäär cït kɔ̈ɔ̈r, ku cït bänykɛn ee lööŋ guiir aŋuööth nɛ̈k cɔk cï wäth, cïn yuɔɔm yek buɔ̈th miäk.

1 Tham 2:18

Ku ëtɛ̈ɛ̈n wënthii Thamwɛl aaye Bɛ̈nydït luööi, ke ceŋ lupɔ de ajïpɔ amujuŋ ɣer.

1 Tham 2:28

Në dhiëën ke Yithriɛl thook ëbɛ̈n, acä keek lɔc kekë paande kedhie, bïk Yɛn aa luööi ke ke ye bäny ke kake Nhialic, bïk aa luui ɣön ë Nhialic ë yïk nɔm, bïk wal ŋïr aa nyop, ku cieŋkï lupɔɔ de ajïpɔ, ku bïk aa jam ë Yɛn. Acä keek gäm riɛl bïk biäk de miɔ̈c de Bɛ̈nydït ye nyop ë yïk nɔm nööm.

1 Tham 2:36

Raan töŋ de käudu bï pïïr abï lɔ tëde bɛ̈ny de kake Nhialic, ku lek lip në atek ku nɔn ee këcam, ke ke bï bɛ̈ny de kake Nhialic aa kuɔny. Ago rɔt yök kë bï cam.”