1 Tham 22:17 - JAM DE NHIALIC 2011

¹⁷ Na wën ke melik ë yɔ̈ɔ̈k kɔckɛn ë ye tiit tɔ̈u ë yelɔ̈ɔ̈m an, “Pɔ̈kkï röt ku näkkï bäny ke kake Nhialic de Bɛ̈nydït në luɔi cï kek mat në Debid. Aŋickï nɔn kɛt en, ku akënkï lɛ̈k ɛn.” Go kɔc ee melik tiit jaai në luɔi bï kek kecin tääu në bäny ke kake Bɛ̈nydït gup, bïk keek nɔ̈k.

1 Tham 22:17 ပူးပေါင်းရင်းမြစ်များ

2 Tham 15:1

Na wën aacï kake thök, go Abthalom rɔt luöi abëël ke tɔŋ ku jöŋgöör ku kɔc kathiërdhïc ee cath në yenɔm tueŋ.

1 Mel 1:5

Në aköölkë yiic wën ë Debid Adonija ku man acɔl Ɣagith yen aaye wëndït, acï dhel ë yepiɔ̈u luɔi bï yen rɔt tɔ ye melik në dhiɔɔp ë wun yic. Go rɔt yiɛ̈n abëël ë tɔŋ, ku jöŋgöör, ku kɔc kathiërdhïc ee riŋ ë yenɔm tueŋ.

1 Mel 14:27

Ago melik Reɣobowam kööt ke maläŋ looi në nyindenic, ku gëm ke bäny ke rem de tɔŋ ee tïït, ke ke bï ɣön ë melik aa tiit.

1 Mel 18:4

ka wään nɛ̈k ë Jedhebel tït ke Bɛ̈nydït. Obadaya acï bɔt ë tït ke Nhialic bɛ̈n jɔt le ke thiaan ë kɔ̈kiic ë kuriic, köŋë ke thiërdhïc ku köŋë ke thiërdhïc pei, ku ye ke miɔɔc në kacaam ku pïïu).

2 Mel 10:25

Na wën aacï Jeɣu miɔ̈c gam, ke jɔ lɛ̈k bɛ̈ny ë rem de tɔŋ, ku kɔc ee tïït an, “Lakkï luɛɛk ku näkkï keek kedhie, në cïn raan töŋ bän!” Gokï lɔ luɛɛk ke ke cï abätɛ̈ɛ̈u ken coc, ku näkkï keek kedhie, ku jɔkï gupken thɛ̈l bei. Ku lekkï ë luaŋ de Baal thar ciëën,

Bɛ̈n 1:17

Ku amadhiëëth acïk bɛ̈n riɔ̈ɔ̈c në Nhialic, gokï jam de melik kɛ̈n bɛ̈n gam. Acïk mïthwät bɛ̈n aa puɔ̈l apïïr.

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.

1 Tham 14:45

Na wën ke lëk ë kɔc Thaulo an, “Duëër Jɔnathan thou adï? Ku ee yen raan ë tɔ Yithriɛl tiëm ë tiëm dïïtë? Ei taitai, wok cï kuëëŋ në rin ke Bɛ̈nydït pïïr. Cakaa riöp de yen cök ë cïï dhoŋ. Kënë looi ee köölë aa looi në riɛl de Nhialic.” Ago kɔc Jɔnathan jɔ kony ku akënë bɛ̈n nɔ̈k.

1 Tham 2:31

Piɛŋkï, ade kööl bɔ̈, kööl bän kɔc kor nɔ̈k paandu ku baai de wuur ëbɛ̈n, abï ciën raan ë paandun bï tëde dhiɔɔp cuööp.

1 Tham 20:33

Go Thaulo tɔŋ kuany, ku thɛ̈ɛ̈r Jɔnathan an nɛ̈k. Go Jɔnathan ja gam ëyic nɔn kɔɔr ë wun bïï Debid nɔ̈k.

1 Tham 22:13

Go Thaulo lɛ̈k en, an, “Eeŋö kaar wek bä a nɔ̈k wekë Debid? Acï gäm këcam kekë tɔŋ, ku luɔpë Nhialic në këde? Ënɔɔnë aloi tɔŋ kekë yɛn, ku ee ya buuth kueer ke kɔɔr bïï ya nɔ̈k!”

1 Tham 22:16

Go melik lueel an, “Aɣimelek, yïn bï dhil nɔ̈k wekë baai de wuur wedhie.”

1 Tham 25:17

Yen tëde ka ënɔɔnë takkic apiɛth ku tïŋ kë bä looi, në biäk cïï riääk thiök kekë bɛ̈nyda, ku paande ëbɛ̈n. Ee raan rac aläl ku acïn raan duëër en jam de piŋ!”

1 Tham 8:11

lueel an, “Kënë yen abï melik bï week wat aa looi: Abï mïthkun nööm ku tɔ keek lui në joŋköörkɛn ke tɔŋ, ku kɔ̈k abïk aa riŋ në abëëlkɛn ke tɔŋ nïïm tueŋ,