1 Tham 21:5 - JAM DE NHIALIC 2011

⁵ Ago Debid këde Aɣimelek bɛ̈ɛ̈r, an, “Ee yic wok cï röt tiit në diäär, cït man yan e looi aköölnyïïn tëde yen të lan thïn. Wok ee ka cath në wook tɔ ɣeriic ëbɛ̈n, ayï të le wok tëdäŋ pei, ku ee köölë wok cï röt tiit aläl!”

1 Tham 21:5 ပူးပေါင်းရင်းမြစ်များ

Bɛ̈n 19:14

Na wën, ke Mothe jɔ bɛ̈n piny ë kuur nɔm, ku lëk kɔc an, “Guiɛɛrkï röt.” Agokï lupɔɔken waak.

Bɛ̈n 19:15

Go Mothe lɛ̈k keek an, “Guiɛɛrkï röt në biäk de rutui, ku cïn raan tɔ̈c ke tik në ee nïnkë yiic.”

Bɛ̈n 25:30

Ku paam ë tɛ̈ɛ̈uwë në athänduŋ ë mät nɔm tueŋ, ku kuïn cï pam ɣeric abï dhiɛl aa tɔ̈u në paam nɔm ë cieŋ, kuïn cï pam cï gäm Ɛn.

Lebai 24:9

Ku kuïn cï pam ee këde Aron kekë kuatde. Ku abïk dhil cam tëɣeric në biäk ee yen baŋ de kuïn ɣeric aläl, kuïn cï gäm Bɛ̈nydït këde bäny ke kake Nhialic.

Lebai 8:26

Ku nööm kuïn cï pam tök, kuïn cï looi në miök, ku kuïn cï pam cï riɛl, nööm keek në diööny ye kuïn cï pam cïn yic luɔu cï gäm Bɛ̈nydït muk thïn, ku tɛ̈ɛ̈u ee kake në miök kɔ̈u kekë ɣäm cuëc.

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

1 Kor 7:5

Ë ŋɛk cïï rɔt ee pɛ̈n ŋɛk, ë röm bä wek thook röm tei bäk röt pɔ̈l ë aköölkë, ke we bï cök ë läŋ läŋ wek Nhialic, ku jakï röt bɛ mat ëtök, ke we cïï Catan bï them, në kuny kuöc wek röt muk.

1 Pet 3:17

Të nu yen ë Nhialic piɔ̈u nɔn bä wek käŋ guum në biäk de luɔi piɛth yak looi, yen aŋuän në luɔi guööm wek käŋ në biäk de luɔi de kërac.