1 Tham 20:10 - JAM DE NHIALIC 2011

¹⁰ Go Debid Jɔnathan luɔp an, “Eeŋa bï ya lɛ̈k, të le wuur jam puk nɔm në agɔ̈th?”

1 Tham 20:10 ပူးပေါင်းရင်းမြစ်များ

Cäk 42:30

“Bɛ̈ny de Rip ë wo lɔ kuöc jääm arac. Ku dhööl wook an yok nëëm lɔ wunde caathic.

Cäk 42:7

Na wën, aa tïŋ Jothep mïthëkɔcken, ke ŋic keek. Go keek luööi cït man ë kɔckɛn kuc. Ku jiëëm keek arac, lop keek an, “Bäkï ë nou?” Gokï puk nɔm an, “Wok bɔ̈ piny ë Kanaan, buk bɛ̈n ɣööc agamɔ.”

1 Mel 12:13

Go melik jam ë röördït pɔ̈l ku jiëëm kɔc arac,

Kɛ̈ŋ 18:23

Raan kuanynyin ee jam ëmääth, ku kɔc kueth ayek jam ë lɛc.

1 Tham 20:11

Go Jɔnathan lɛ̈k Debid an, “Jëlku lok roor.” Agokï jäl lek roor.

1 Tham 20:9

Go Jɔnathan bɛ̈ɛ̈r an, “Du täk aya! Na piɛŋ en nɔn kɔɔr ë wäär an nɛ̈k yïn, cä duëër lɛ̈k yïn?”

1 Tham 25:10

Go Nabal jam puɔ̈k nɔm lïïm ke Debid, an, “Eeŋa yen Debid? Eeŋa yen wën ë Jethe? Aköölkë, lïïm acïk röt yök luɔi bï kek aa kat në bänyken cök!

1 Tham 25:14

Go lïm tök Abigail tiiŋ de Nabal yɔ̈ɔ̈k, an, “Debid aacï kɔc tuöc bɛ̈nyda ke nu ë jɔ̈ɔ̈ric, bïk thiëcde yiɛ̈n en, go keek läät.

1 Tham 25:17

Yen tëde ka ënɔɔnë takkic apiɛth ku tïŋ kë bä looi, në biäk cïï riääk thiök kekë bɛ̈nyda, ku paande ëbɛ̈n. Ee raan rac aläl ku acïn raan duëër en jam de piŋ!”