1 Tham 2:36 - JAM DE NHIALIC 2011

³⁶ Raan töŋ de käudu bï pïïr abï lɔ tëde bɛ̈ny de kake Nhialic, ku lek lip në atek ku nɔn ee këcam, ke ke bï bɛ̈ny de kake Nhialic aa kuɔny. Ago rɔt yök kë bï cam.”

1 Tham 2:36 ပူးပေါင်းရင်းမြစ်များ

1 Mel 2:27

Go Tholomon Abiathar cop tëdɛn ë yen bɛ̈ny de kake Nhialic de Bɛ̈nydït, ku jɔ kë wään cïï Bɛ̈nydït lueel në Cilo në biäk de Eli bɛ̈ny de kake Nhialic ku käude tɔ ye yic.

2 Mel 23:9

Ku guc ke yiëth ke ɣään thöny akënkï bɛ̈n në yïïŋ de Bɛ̈nydït kɔ̈u ë Jeruthalem, ku aake cäm në kuïn cïn yic luɔu në mïth ë kɔcken yiic.

Kɛ̈ŋ 14:19

Kɔc ee karɛc looi abïk nyuc në kɔc piɛth piɔ̈ɔ̈th nïïm.

Malakai 1:13

Ku ayak lueel an, ‘Wok ë jɔ bäp në ee kakë kedhie!’ Ku wɛ̈lkï wekɔ̈ɔ̈th Ɛn. Kaarkï bä ɣɔ̈kkun gam, ɣɔ̈k ë rum, ku thök ŋöl, ku thök de gup jɔɔk yak yiɛ̈n Ɛn ke ke ye miɔ̈c, yak tak bä ke gam tëde week? Kë lueel ë Bɛ̈nydït de rɛm ka.

Bäny 17:10

Na wën, ke lueel Maika an, “Rɛ̈ɛ̈rë wekë yɛn, ku bä ya wää ku ye guuc, ku yïn bä aa gäm atek kathiëër ë ruöön thok ëbɛ̈n, kekë lupɔɔ ku këcamdu.”

1 Tham 2:35

Yɛn bï bɛ̈ny de kake Nhialic adöt lɔc, raan bï këde Yapiɔ̈u looi. Abä gäm mïth juëc, ku abï A luööi ëceŋ të tɔ̈u melikdiën cä lɔc thïn.

1 Tham 3:1

Ku Thamwɛl aa luui Bɛ̈nydït ke rɛ̈ɛ̈r kekë Eli, ku në aa köölkë yiic jam ë Bɛ̈nydït aa dak të de kɔc.