1 Tham 2:30 - JAM DE NHIALIC 2011

³⁰ Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.

1 Tham 2:30 ပူးပေါင်းရင်းမြစ်များ

1 Mel 11:11

go Bɛ̈nydït lɛ̈k en an, “Në baŋ kën yïn löŋdiën cä mac döt ku dhäŋ lööŋkiën cä lueel yiic, Yɛn bï ciɛɛŋ rɛɛt wei tëde yïn liŋliŋ, ku gäm raan töŋ ë kɔc ee yï luööi.

1 Mel 2:27

Go Tholomon Abiathar cop tëdɛn ë yen bɛ̈ny de kake Nhialic de Bɛ̈nydït, ku jɔ kë wään cïï Bɛ̈nydït lueel në Cilo në biäk de Eli bɛ̈ny de kake Nhialic ku käude tɔ ye yic.

1 Lëk 17:18

Eeŋö däŋ bä bɛ lɛ̈k yïn! Yïn ŋic ɛn apiɛth, ku yïn ŋoot ke yï dhuëëŋ ɛn guöp, yɛn awundu.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 26:18

bïk lɔ jɔ̈ɔ̈ny, gokï lueel an, “Yudhia! Yïn cïn nɔm yic bä wal ŋïr nyuöp Bɛ̈nydït. Ee luɔi de bäny ke kake Nhialic kapäc, käu de Aron, kek acï gäm ee luɔiyë, bïk aa looi. Jël ee tëɣeric. Yïn cï Bɛ̈nydït Nhialic lat, ka yïn cïï nɔm be dɛ athiɛɛide.”

Diɛt 18:20

Bɛ̈nydït aa thiei ɛn në kë rɔ̈ŋ ke piathëpiɔ̈ndï, aa thiei ɛn në biäk cïn en kë cä wööc.

Diɛt 18:26

Yïn awai wekë kɔc awai, ku yïn man kɔc rac.

Diɛt 50:23

Raan ee miɔ̈c ee thieithieei gam, ee Ya dhuëëŋ guöp, ku raan ee kueerde tɔ lɔ cït, abä nyuöth kuɔɔny de Nhialic.”

Diɛt 73:20

Acïtkï nyuöth ee jäl të cïï ë raan pääc, ayek määr Bɛ̈nydït të jɔt ë raan rɔt.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 28:43

Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.

Bɛ̈n 29:9

Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Kɛ̈ŋ 12:8

Kɔc pel nïïm aye ke lɛ̈c pɛlënɔmden, ku ciën yöŋ de käŋiic ee biɔ̈n ë guöp bɛ̈ɛ̈i.

Kɛ̈ŋ 4:8

Nhiaar pɛlënɔm, ke bï yï tɔ ya adhuɛ̈ŋ, ku bom apiɛth, ke bï yï tɔ rïïuwë.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Jeremia 49:15

Bɛ̈nydït abï yïn tɔ kɔ̈c ë juööriic, ku acïn raan bï yïn riëëu.

Edhekiɛl 34:10

Yɛn Bɛ̈nydït Awärjäŋ, acä lueel nɔn ee Yɛn raan de ater wo tïït ke thök. Yɛn bï amɛ̈lkï nööm tëde week, ku cä week bï bɛ tɔ ee tïït ke thök, wek cä ke bï bɛ tɔ muk röt wapäc. Yɛn bï amɛ̈lkï luäk bei në wecin, ku cä week bï bɛ tɔ cuet thök.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Malakai 2:3

Piɛŋkï, Yɛn bï mïthkun luöi këtuc. Wek bä rɔɔth gup ë wɛi de thök yak näk Ɛn, yäär Ɛn week, ku dɛɛny we wei ë dhuur nɔm në wɛi ëtök.

Kuɛ̈n 11:20

abäk cuet në pɛɛi yic ëbɛ̈n, man abäk nïïm tiëk në yen, ku thiɛkkï yïth në ye. Ku abï tɔ̈u aya, në biäk cä wek Bɛ̈nydït rɛɛc ke tɔ̈u në weyiic, ku eeŋa në we yiic, raan ee dok në Yen an adï kɛ̈nkï jäl ë Rip taitai.”

Kuɛ̈n 35:34

Duökï piny rɛ̈ɛ̈r wek thïn dhiök në biäk Yan Bɛ̈nydït, ku Yɛn ee rëër në kɔc ke Yithriɛliic.

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Jɔn 8:49

Go Yecu bɛ̈ɛ̈r an, “Yɛn cïn guöp jɔŋ rac, ku yɛn riëëu Wäär, ku wek reec a riëëu.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

Bäny 9:10

Na wën ke tiim ë ke yɔ̈ɔ̈k ŋaap an, ‘Bäär, yïn bï aa bɛ̈nyda.’