1 Tham 2:29 - JAM DE NHIALIC 2011

²⁹ Ku eeŋö tɔ yïn tɔ woi miɔ̈c de Bɛ̈nydït në dït ë piɔ̈u, miɔ̈c Ya kɔɔr tëde kɔckï? Eeŋö, Eli, ee yïn mïthku riëëu awär Ɛn, tɔ keek nöm biäk piɛth në miɔ̈c de Bɛ̈nydïtic, miɔ̈c ye kɔckï gäm Ɛn?

1 Tham 2:29 ပူးပေါင်းရင်းမြစ်များ

2 Mel 12:6

Ku na ɣɔn aa lɔ run ke Jowac aa thiërrou ku diäk në bäänyic, ku ŋoot bäny kake Nhialic ke ke kën Luaŋdït piir.

Diɛt 26:8

Yɛn nhiaar rëër ë Luaŋdïtic, të ye dhuëëŋdu tɔ̈u thïn.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 34:10

Yɛn Bɛ̈nydït Awärjäŋ, acä lueel nɔn ee Yɛn raan de ater wo tïït ke thök. Yɛn bï amɛ̈lkï nööm tëde week, ku cä week bï bɛ tɔ ee tïït ke thök, wek cä ke bï bɛ tɔ muk röt wapäc. Yɛn bï amɛ̈lkï luäk bei në wecin, ku cä week bï bɛ tɔ cuet thök.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Lebai 19:15

Du yic ee dhɔ̈ŋic ë luɔi rac, du raan kuany nyin ee kuɛ̈ny bei, ku du ee riɔ̈ɔ̈c në raan kueth, ye gööny de kɔc rɛ̈ɛ̈r në yïn guiir në piathëpiɔ̈u.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

2 Kor 5:16

Yen acïn en raan beku ŋic ë baŋ de guöp: acakaa Kërtho guöp, të ciɛk wok e kɔn ŋic në baŋ de guöp, ka cuku be ŋic aya.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 33:9

Acïk riëëudɛndït nyuöth yïn, awär riëëu rïïu kek kɔcken ayï mïthëkɔcken ayï mïthken, acïk lööŋku riëëu ku aake piɛthpiɔ̈ɔ̈th në mändu.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

Jocua 18:1

Na wään, aacï akutnɔm de kɔc ke Yithriɛl piny peec ëbɛ̈n, ke ke mɛt Cilo kedhie, ku piëëtkï paany de mät ëtɛ̈ɛ̈n.

1 Tham 3:13

Ë luöi cän e lëk, an, Yɛn bï dhiëndu luöi këtuc në biäk de kërɛɛc yic, mïthke acïk röt tɔ rac, ku acïn kë cï looi në baŋden. Ku akën keek jɔ̈ɔ̈ny.