1 Tham 2:28 - JAM DE NHIALIC 2011

²⁸ Në dhiëën ke Yithriɛl thook ëbɛ̈n, acä keek lɔc kekë paande kedhie, bïk Yɛn aa luööi ke ke ye bäny ke kake Nhialic, bïk aa luui ɣön ë Nhialic ë yïk nɔm, bïk wal ŋïr aa nyop, ku cieŋkï lupɔɔ de ajïpɔ, ku bïk aa jam ë Yɛn. Acä keek gäm riɛl bïk biäk de miɔ̈c de Bɛ̈nydït ye nyop ë yïk nɔm nööm.

1 Tham 2:28 ပူးပေါင်းရင်းမြစ်များ

2 Tham 12:7

Na wën ke lëk ë Nathan Debid an, “Ee yïn guöp yïn ee raanë! Ku kë lueel ë Bɛ̈nydït Nhialiny de Yithriɛl kï an, ‘Yïn cä lɔc ke yï ye melik de Yithriɛl, ku ta yïn tɔ poth në Thaulo ciin.

2 Tham 6:14

Na wën ke Debid ë cöŋ në Bɛ̈nydït nɔm në miɛt ë piɔ̈u, ke ceŋ lupɔɔ ke ajïpɔ.

Bɛ̈n 28:1

Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.

Bɛ̈n 28:4

Tɔ keek loi lupɔ de yɔu, ku lupɔ cɔl ajïpɔ, ku alulut bäär, ku lupɔ tɔ̈u kɔ̈u ë guetguet, ku lupɔ de nɔm, ku lupɔ de duöt ë yic. Tɔ ke lui Aron wänmuuth kekë wɛ̈ɛ̈tke lupɔɔ ɣeriic ke bääny de kake Nhialic, ke ke bï Ya aa luööi ke ke ye bäny ke kake Nhialic.

Bɛ̈n 30:7

Të kïït Aron many alath, abï wɛ̈ɛ̈l ŋïr aa nyop në yïïŋ de wal ŋïr nɔm.

Bɛ̈n 30:8

Ku ë lë thëën abï many alath bɛ̈n cuääny thok, ke be kë cït ee kënë nyɔk në luɔi. Miɔ̈c de wal ŋïr ë cath anande ke cïï kɔ̈u tɛɛm.

Lebai 2:10

Ku biäk cï döŋ në miɔ̈c ë rapic ee këde Aron kekë wɛ̈ɛ̈tke, ee biäk ɣeric aläl në miɔ̈c ee luöi Bɛ̈nydït në mac.

Lebai 2:3

Biäk de miɔ̈c ë rap bï döŋ ee këde Aron kekë wɛ̈ɛ̈tke, ee yen aye biäk ɣeric aläl cï luöi Bɛ̈nydït në mac.

Lebai 6:16

Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic.

Lebai 7:32

Ku abï ɣäm cuëny de miɔ̈c de mät gäm bɛ̈ny de kake Nhialic ke ye miɔ̈c.

Lebai 7:36

Në kööl ɣɔn ë yoor ë keek nïïm, Bɛ̈nydït acï Yithriɛl bɛ̈n yɔ̈ɔ̈k an, Bïk ee kënë gäm keek, ke ye këdɛn de aköölnyïïn agut cï rɛm bï lɔ̈ɔ̈k bɛ̈n.

Kuɛ̈n 16:5

Ku lëk Kɔra kekë kɔc cath në yen an, “Miäk aduduur, Bɛ̈nydït abï wo nyuöth raan ee raande, ku raan ɣeric, ku abï tɔ ɣëët në yelɔ̈ɔ̈m.

Kuɛ̈n 18:19

Miɔ̈c ɣeriic ye kɔc ke Yithriɛl yiɛ̈n Ɛn ëbɛ̈n, agäm ke yïn wekë wɛ̈ɛ̈tku, ku duetku ananden. Yen ee kënë, ee löŋ cä mac wokë yïn ku mïthkuön bï lɔ̈ɔ̈k tɔ̈u.

1 Tham 14:3

(Ku Aɣija bɛ̈ny de kake Nhialic aa nu në keyiic, ee wën de Aɣitup mänhë Yikabod wën ë Pineɣath, Pineɣath wën de Eli bɛ̈ny de kake Bɛ̈nydït nu ë Cilo, aa ceŋ ajïpɔ.) Ku acïn raan ë ŋic en nɔn cïï Jɔnathan jäl.

1 Tham 2:18

Ku ëtɛ̈ɛ̈n wënthii Thamwɛl aaye Bɛ̈nydït luööi, ke ceŋ lupɔ de ajïpɔ amujuŋ ɣer.