1 Tham 2:26 - JAM DE NHIALIC 2011

²⁶ Go Thamwɛl lɔ ke ŋuak luɔide tëde Bɛ̈nydït ku ŋuɛk mände kekë kɔc.

1 Tham 2:26 ပူးပေါင်းရင်းမြစ်များ

Cäk 39:4

Go Pɔtipar piɔ̈u miɛt ke yen arëët, ku tɔ ye lïm ë ɣön ë naamde. Ku tɛ̈ɛ̈u ë kake ɣönde nïïm kedhie.

Kɛ̈ŋ 3:3

Du piɔ̈n adöt päl kekë yic. Duöötë keek në yïyeth, ku muk keek në yïpiɔ̈u.

Kɛ̈ŋ 3:4

Të le yïn e looi aya, Nhialic, ayï kɔc abïk piɔ̈ɔ̈th miɛt në yïn.

Luk 1:80

Ago meth dït, ku jɔ piɔ̈u riɛl, ku le ceŋ ë jɔ̈ɔ̈ric aɣët kööl bï en rɔ nyuöth Yithriɛl.

Luk 2:40

Go meth dït, abï piɔ̈u riɛl, go nɔm pɛl arëët: ku cath dhuëëŋ de Nhialic piɔ̈u kekë yen.

Luk 2:52

Go Yecu dït ku jɔ rɔ ŋuak ë pɛlënɔm, ku në miɛt ee Nhialic piɔ̈u miɛt në yen ayï kɔc.

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Bäny 13:24

Go tik mɛwä dhiëëth, ku ciëk rin an Thamthon ago meth dït, ku thieei Bɛ̈nydït.

1 Tham 2:21

Go Bɛ̈nydït Ɣana thieei, ago mïth dhiëth kadhïc mïth röör kadiäk ku duet kaarou. Ago Thamwɛl dït ke kuany luɔi de Bɛ̈nydït yic.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.