1 Tham 19:5 - JAM DE NHIALIC 2011

⁵ Acï wëike kuɔɔn ɣɔn nɛ̈k en Goliath, ago Bɛ̈nydït tiëm dït gäm Yithriɛl ëbɛ̈n. Ago piɔ̈u bɛ̈n miɛt arëët wën tïŋ yïn en. Ka eeŋö cï guɔ bɛ̈n, kë kɔɔr yïn an, näk Debid ke cïn këdɛn cï wööc taitai?”

1 Tham 19:5 ပူးပေါင်းရင်းမြစ်များ

2 Tham 23:10

ago kɔ̈ɔ̈c ee tëdɛnë, ku piɔ̈t ke Pilithiin, abï ciin ŋoot në abätäude kɔ̈u ke cïï päl. Go Bɛ̈nydït tɔŋ tiaam arëët ee köölë. Na wën aacï tɔŋ thök, go kɔc ke Yithriɛl kenïïm puɔ̈k të tɔ̈u ë Eleyadhar, ku jɔkï wëu ke tɔŋ ku kööt nööm tëde kɔc cï thou.

1 Lëk 11:14

Acï tɔŋ bɛ̈n dɔm kekë kɔcke në domic cil ëtɛ̈ɛ̈n, ku piɔ̈t ke kɔc ke Pilithiin. Go Bɛ̈nydït yen tɔ tiam kɔc ke Pilithiin.

1 Lëk 11:18

Go wɛ̈ɛ̈t ril ke rem de tɔŋ kadiäk röt kuany, ku dhilkï tëëk ë pɛɛny ke rem ë tɔŋ de Pilithiin yiic. Gokï pïïu lɔ gem ë yith yic, ku yïnkï pïïu Debid. Ku akën pïïu bɛ̈n dek, acï ke bɛ̈n wäl piny ke ee miɔ̈c gëm Bɛ̈nydït

Diɛt 109:5

Ayek këpiɛth cä looi cool nɔm në kërac, ku tɛ̈ɛ̈ukï män ë nyin ë nhiëëric.

Diɛt 119:109

Yɛn ee pïïrdï kuɔɔn ë ceŋ, ku yɛn kën nɔm määr ë löŋdu.

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 69:4

Kɔc man yɛn, ke cïn kë cä looi, kuënden ajuëc aläl awärkï nhïm ke yanɔm. Kɔc ke aterdï ayek a mak në lueth, Keek arilkï, ku akɔɔrkï bïk ya nɔ̈k. Acïk ya tɔ col ka kën ke kual.

Diɛt 94:21

Ayek kethook mat ë kiɛɛr rac bïï kek kɔc piɛthpiɔ̈ɔ̈th nɔ̈k, ku tɔkï raan cïn kë cï wööc näk.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Jeremia 26:15

Ku kënë abäk dhil ŋic ë gɔk: Të la wek yɛn nɔ̈k, week në kɔc ke ee pänydïïtë, we bï gup dɛ awäc ë nääk de raan cï kë cï looi, në biäk yen Bɛ̈nydït Yen ë toc yɛn bä week bɛ̈n yɔ̈ɔ̈k.”

Math 27:24

Na wën, aacï Pilato e tïŋ nɔn cïn en luɔi bï en e lëu, ku duëër anuɔɔn bɛ̈ɛ̈i tei, ke nöm pïïu, ku piny ecin ë kut ë kɔc nïïm, ku lueel an, “Yɛn liu ë riɛm ë raanë yic, raan cïn kërɛɛc cath ke ye! Ee këdun wapäc!”

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

Jɔn 15:25

Ku kënë ë tïc, luɔi bï jam aa yic jam cï gɔ̈ɔ̈r ë löŋdenic an, ‘Acïk a maan guöp youyou.’

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Pilipoi 2:30

ee biäk de luɔi de Kërtho, yen aa duëër en thou, acï wëike kuɔɔn, ke bï kë cï nɔm dak në kuny cä wek a kony thiɔ̈ɔ̈ŋ nɔm.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Bäny 12:3

Na wën tiëŋ en, ke ya koon wëikï, ku la tɔŋ ke we liu, ku tɛɛm akeu kɔ̈u la thɔ̈ɔ̈r wokë kɔc ke Ammon, go Bɛ̈nydït ya tɔ tiam keek. Ënɔɔnë Eeŋö bä wek ɛn bɛ̈n luöi tɔŋ?”

Bäny 9:17

Takkï we nïïm nɔn cï wäär thɔ̈ɔ̈r në biäkdun, ku leer tɔŋ ke cïï diɛɛr ë wëike në luɔi bï yen we luök në kɔc ke Midian cin.

1 Tham 11:13

Ago Thaulo jaai lueel an, “Acïn raan näk ee köölë, në luɔi yen kööl cïï Bɛ̈nydït Yithriɛl luök.”

1 Tham 14:45

Na wën ke lëk ë kɔc Thaulo an, “Duëër Jɔnathan thou adï? Ku ee yen raan ë tɔ Yithriɛl tiëm ë tiëm dïïtë? Ei taitai, wok cï kuëëŋ në rin ke Bɛ̈nydït pïïr. Cakaa riöp de yen cök ë cïï dhoŋ. Kënë looi ee köölë aa looi në riɛl de Nhialic.” Ago kɔc Jɔnathan jɔ kony ku akënë bɛ̈n nɔ̈k.

1 Tham 19:6

Go Thaulo jam de Jɔnathan yök ke ee yic, go kuëëŋ në rin ke Bɛ̈nydït nɔn cï yen Debid bï bɛ nɔ̈k.

1 Tham 20:32

Go Jɔnathan bɛ̈ɛ̈r an, “Eeŋö cï looi kë nɛ̈kë yen?”

1 Tham 22:14

Ago Aɣimelek bɛ̈ɛ̈r, an, “Eeŋa nu në bänyku yiic, raan ee yïn riëëu cït man ë Debid, mony de nyan ë melik, bɛ̈ny de kɔc ee yïn tiit, ku raan ye kɔc riëëu aläl paandu?

1 Tham 28:21

Go tik lɔ tïŋ go yök ke cï riɔ̈ɔ̈c, ka lɛthë, go tik lɛ̈k en an, “Bɛ̈ny, yɛn cï rɔt kuɔɔn bä kë kɔɔr looi.