1 Tham 18:5 - JAM DE NHIALIC 2011

⁵ Ku Debid aaye tiam në tɔɔŋiic kedhie, tɔɔŋ cïï Thaulo ye tuɔɔc thïn. Na wään, ke tɔ ye bɛ̈ny ë rem de tɔŋ, go kɔc piɔ̈ɔ̈th miɛt ëbɛ̈n alɔ gut bäny ke tɔŋ de Thaulo.

1 Tham 18:5 ပူးပေါင်းရင်းမြစ်များ

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

2 Tham 5:10

Go riɛlde lɔ ke ŋuak yenyin, në biäk tɔ̈u ë Bɛ̈nydït Nhialic Awärjäŋ kekë yen.

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

2 Lëk 17:3

Go Bɛ̈nydït Jeɣocapat thieei në biäk cï yen pïïr piɛth tueŋ de wun kuany yic, ku cïï Baal lam.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Luɔi 7:10

ago luök në ka cï e miɛn ëbɛ̈n, ku gëm dhuëëŋ ku pɛlënɔm ë melik nɔm, yen aaye melik de Rip, ago dɔm abï aa bɛ̈nydït nu ë Rip nɔm ku dhiënde nɔm ëbɛ̈n.

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

Bäny 1:19

Ku Bɛ̈nydït aa tɔ̈u kekë kɔc ke Juda, agokï piny ë kuur nööm. Ku akënkï kɔc ceŋ riaaŋ bɛ̈n cieec, në luɔi de kek nïïm abëël ke tɔŋ ë loi ë wëëth.

1 Tham 13:2

Ago Thaulo aguum kadiäk 3000 ke rem de tɔŋ guiir, ku tɔ aguum kaarou dɔ̈ŋ në yen ë Mikmac ku në piny ë kuur ë Bethel yic, ku tooc agum 1000 de rem ë tɔŋ kekë wënde Jɔnathan bïk lɔ Gibia, piny de dhiën ë Benjamin. Ku tɔ Thaulo kɔc kɔ̈k dɔk kenïïm baai.

1 Tham 14:52

Në akööl ɣɔn pïïr ë Thaulo kedhie, Thaulo aaye thiɔɔr kekë Pilithiin aläl dïïtë. Ku të cï Thaulo raan ril tïŋ ku nɔn yen jöt, aaye mat në remdɛn ë tɔŋic.

1 Tham 18:16

Ago kɔc ke Yithriɛl Debid jɔ nhiaar guöp aläl, mɛ̈tkï në kɔc ke Juda, në luɔi ë yen bɛ̈ny ril.

1 Tham 18:30

Na wën ke wɛ̈ɛ̈t meliik ke Pilithiin ke ke bïï tɔŋ, Ku në ee tɔɔŋkë yiic ëbɛ̈n, Debid ë bɛ̈n tiam awär kɔc kɔ̈k lui në Thaulo kedhie, ago rin ke Debid bɛ̈n tïc në baai yic ëbɛ̈n.

1 Tham 18:4

Go Jɔnathan lupɔde yɔ̈ɔ̈t bei në yekɔ̈u ku gëm Debid, ku gëm kakɛn ë tɔŋ, abätäu, ayï thiööth.

1 Tham 18:6

Na wën, aa lɔ Debid enɔm puk tɔɔŋ kekë rem de tɔŋ, të wën cï en Goliath lɔ nɔ̈k, go diäär ke Yithriɛl Thaulo lɔ loor nɔm, diëër cï guëër në wuöt ke Yithriɛliic kedhie. Loorkï nɔm ke ke kït në miɛtëpiɔ̈u ku cöŋkï, ku gutkï lɔ̈ɔ̈r ku thom.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.