1 Tham 18:15 - JAM DE NHIALIC 2011

¹⁵ Na ɣɔn aa lɔ Thaulo Debid tïŋ nɔn cï yen tiam aläl, ke riɔ̈c arëët.

1 Tham 18:15 ပူးပေါင်းရင်းမြစ်များ

Diɛt 112:5

Thieithieei në raan ee miööc në piɔ̈n ɣer, ku tɔ luɔide cath ke cïn ruëëny.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Tham 18:12

Ku Thaulo aaye riɔ̈ɔ̈c në Debid në luɔi cïï Bɛ̈nydït ye nyääŋ piny, ku le tɔ̈u kekë Debid.

1 Tham 18:14

Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:16

Ago kɔc ke Yithriɛl Debid jɔ nhiaar guöp aläl, mɛ̈tkï në kɔc ke Juda, në luɔi ë yen bɛ̈ny ril.