1 Tham 18:14 - JAM DE NHIALIC 2011

¹⁴ Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:14 ပူးပေါင်းရင်းမြစ်များ

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

2 Tham 5:10

Go riɛlde lɔ ke ŋuak yenyin, në biäk tɔ̈u ë Bɛ̈nydït Nhialic Awärjäŋ kekë yen.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

1 Lëk 18:13

Ku piɛ̈ɛ̈t pɛɛny ke rem de tɔŋ piny de Edom ëbɛ̈n, go Debid kɔc nu ëtɛ̈ɛ̈n cieŋ. Go Bɛ̈nydït Debid tɔ tiëm ë ɣään yiic kedhie.

1 Lëk 18:6

Na wën ke tɛ̈ɛ̈u pɛɛny ke rem de tɔŋ piny de Thiriya, go keek cieŋ ku yek yen kuöt athölbö. Go Bɛ̈nydït Debid tɔ tiëm ë ɣään yiic kedhie.

2 Lëk 17:3

Go Bɛ̈nydït Jeɣocapat thieei në biäk cï yen pïïr piɛth tueŋ de wun kuany yic, ku cïï Baal lam.

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luɔi 18:10

yɛn cath wo yïn, ku acïn raan bï rɔt yiëk ater ke yïn, bï yï nɔ̈k, yɛn de kɔc juëc ë pänydïïtëyic.”

Jocua 6:27

Ku Bɛ̈nydït aa tɔ̈u kekë Jocua, go Jocua rin jɔ tïc në pinyic ëbɛ̈n.

Bäny 1:19

Ku Bɛ̈nydït aa tɔ̈u kekë kɔc ke Juda, agokï piny ë kuur nööm. Ku akënkï kɔc ceŋ riaaŋ bɛ̈n cieec, në luɔi de kek nïïm abëël ke tɔŋ ë loi ë wëëth.

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.

1 Tham 16:18

Go lïmdɛn tök e lueel ëtɛ̈ɛ̈n an, “Jethe, raan wun ë Bethleɣem ade nɔm wëndɛn ŋic gut aläl. Ee wën läk, ku ee ŋeny de tɔŋ, ku aril, ku aŋic jam. Bɛ̈nydït atɔ̈u ke yen.”

1 Tham 18:15

Na ɣɔn aa lɔ Thaulo Debid tïŋ nɔn cï yen tiam aläl, ke riɔ̈c arëët.

1 Tham 19:8

Agokï bɛ thɔ̈ɔ̈r në Pilithiin, go Debid lɔ thɔ̈ɔ̈r ke keek. Go ke tiaam ku cop keek.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.