1 Tham 18:1 - JAM DE NHIALIC 2011

¹ Na wën, aacï Thaulo thök në jam kekë Debid, ke Jɔnathan, wën ë Thaulo ë mit piɔ̈u kekë Debid. Go Debid nhiaar guöp aläl cït man nhiɛɛr en guöpde.

1 Tham 18:1 ပူးပေါင်းရင်းမြစ်များ

Cäk 44:30

“Ku ënɔɔnë, na ja rɔt puɔ̈k wää, lïmdu ke meth ë liu. Ku ee pïïr ë meth yen amuk en wëi.

2 Tham 1:26

“Yɛn dhiëëu wänmääth Jɔnathan, yïn läk aläl ë yapiɔ̈u! Ku nhiëërduön nhiɛɛr yïn ɛn adït, awär nhiëër nhiɛɛr ë raan tik.

1 Lëk 12:17

Go Debid yök ke keek, ku lëk keek an, “Të bä wek ke we ye määthkï, bäk ya bɛ̈n kony ke we bäkï mätkï röt wook! Ku na bäkï, bäk a bɛ̈n nyiɛɛn tëde kɔc ke aterdï, cakaa nɔn cïn en kërɛɛc cä luöi week, ke Nhialic de kuarkuɔ, abï kë luɔikï ŋic ku abï week luöi këtuc.”

Diɛt 86:11

Wɛ̈ɛ̈të ë yɛn Bɛ̈nydït, në kë kɔɔr bä looi. Ku Yïn bä riëëu në piɔ̈n adöt. Wɛ̈ɛ̈të ë yɛn bä Yïn luööi në piɔ̈n tök.

Kɛ̈ŋ 18:24

Raan aduëër dɛk mäth juëc, ku kalik në keyiic kek aye mäth yith.

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Bäny 20:11

Ago kɔc ke Yithriɛl kedhie keyiic mat cït mony tök bïk wut mak.

1 Tham 14:45

Na wën ke lëk ë kɔc Thaulo an, “Duëër Jɔnathan thou adï? Ku ee yen raan ë tɔ Yithriɛl tiëm ë tiëm dïïtë? Ei taitai, wok cï kuëëŋ në rin ke Bɛ̈nydït pïïr. Cakaa riöp de yen cök ë cïï dhoŋ. Kënë looi ee köölë aa looi në riɛl de Nhialic.” Ago kɔc Jɔnathan jɔ kony ku akënë bɛ̈n nɔ̈k.

1 Tham 18:3

Ago Jɔnathan määth lueel kekë Debid, në luɔi nhiɛɛr en Debid guöp cït man nhiɛɛr en rɔt.

1 Tham 19:1

Ku ëtɛ̈ɛ̈n, acï Thaulo bɛ̈n lɛ̈k Jɔnathan wënde, ku lëk bänyke kedhie an näkkï Debid. Ku Jɔnathan aa nhiaar Debid arëët.

1 Tham 19:2

Ago Jɔnathan lɔ lɛ̈k Debid an, “Wää akɔɔr bï yï nɔ̈k. Ka yïn tit rɔt apiɛth, miäk adurduur, ke yï lɔ thiaan apiɛth të cïn raan ŋic en, ku tɔ̈u ëtɛ̈ɛ̈n.

1 Tham 20:17

Ago Jɔnathan Debid bɛ tɔ kuëëŋ, nɔn nhiɛɛr ɛn Jɔnathan guöp, cït man nhiɛɛr en guöpde.

1 Tham 20:8

Ka yïn dhuëŋ ɛn guöp, ku döt thön ɣɔn cï thön ɛn. Ku na dɛ guöp awäc, ke yï näk ɛn ë yïn guöp! Acïn këduön duëër yïn ɛn tiët wuur bï ya bɛ̈n nɔ̈k?”

1 Tham 22:8

Yeka kaar wek bäk yɛn nɔ̈k wedhie? Acïn raan cï yɛn lɛ̈k ɣɔn looi ë wëndï mät kekë Debid, ku acïn raan cï ya yɔ̈ɔ̈k aya an Debid, raan töŋ de kɔckï akɔɔr bï ya nɔ̈k, ku aye wëndï riit piɔ̈u luɔi bïï yen ɛn nɔ̈k!”

1 Tham 23:18

Agokï mät looi në Bɛ̈nydït nɔm kaarou. Na wën ke Jɔnathan ë lɔ baai, ku döŋ Debid Ɣorec.