1 Tham 17:47 - JAM DE NHIALIC 2011

⁴⁷ Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”

1 Tham 17:47 ပူးပေါင်းရင်းမြစ်များ

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Romai 8:37

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 18:17

Ku ëtɛ̈ɛ̈n, acïï Thaulo bɛ̈n lɛ̈k Debid an, “Merap kï, nyandiën dït. Abä gäm yïn thiaak, të le yïn ɛn gam thok, ku biök tɔŋ ë Bɛ̈nydït apiɛth.” (Aa cïï Thaulo kɔɔr luɔi bï yen e nɔ̈k në yeciin, aa kɔɔr nɔn bïï kɔc ke Pilithiin ye lɔ nɔ̈k tɔŋ).