1 Tham 17:46 - JAM DE NHIALIC 2011

⁴⁶ Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.

1 Tham 17:46 ပူးပေါင်းရင်းမြစ်များ

Cäk 40:19

Në ee nïnkë yiic kadiäk, melik abï yï luöny bei, ku tɔ yï tëëmë nɔm bei. Ku kɛɛkë yï nhial në tim nɔm. Ku yïn bï diɛt cam.”

2 Tham 18:28

Na wën ke Aɣimaadh ë thiëc melik. Go yenɔm guöt piny në melik nɔm ku tueel an, “Leec Bɛ̈nydït Nhialicdu! Bɛ̈nydït acï kɔc tiam kɔc wään luui tɔŋ bɛ̈nydï.”

2 Tham 21:10

Na wën ke Ridhpa nyan de Ayia tiiŋ määth ke Thaulo lupɔ de cual looi ke ye kät të wën cïï ë gup ke kɔc tääu thïn në kur nïïm, go jɔ rɛ̈ɛ̈r ëtɛ̈ɛ̈n gɔl ɣɔn tem ë rap agut wään cï deŋ jɔ këër. Aaye diɛt cop aköl ke ke cïï gup ke mïth ke wɛ̈ɛ̈tke bï ŋueet, ku ye gupken gël wakɔ̈u aya në luɔi cïï läi ke bï cuet.

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

Diɛt 31:8

Yïn kën ɛn päl kɔc ke aterdï bïk a peec, Yïn cï ya gäm nɔm lääu bän lɔ të kaar.

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 56:9

Bɛ̈nydït acï juöör kɔ̈k yɔ̈ɔ̈k bïk bɛ̈n cï läi roor, ku bïk kɔcke bɛ̈n cuääl.

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Math 24:28

Të nu kë cï thou, yen ee të bï cuɔɔr guiëër thïn.

Nyöŋ 28:26

Të la wek thou, diɛt ku läi roor abïk bɛ̈n bïk rïŋkun bɛ̈n cuet, ku abï ciën raan ee keek tuur ëtɛ̈ɛ̈n.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

Nyöŋ 7:23

Bɛ̈nydït abï kɔc ke aterdun tääu ë wecin, ku tɔ keek päu kapäc aɣët të bïï keek riɔ̈ɔ̈r nyïïn.

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 4:24

Yen abï raan ë pinynɔm ëbɛ̈n, riɛl de Bɛ̈nydït jɔ ŋic. Ku wek bï Bɛ̈nydït Nhialicdun jɔ aa riëëu guöp anandun.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:44

Ku lëk Debid an, “Bäär eenë, ke guöpdu bä bɛ̈n gäm diɛt ku läi ënɔɔnthiinë bïk cuet.”