1 Tham 17:44 - JAM DE NHIALIC 2011

⁴⁴ Ku lëk Debid an, “Bäär eenë, ke guöpdu bä bɛ̈n gäm diɛt ku läi ënɔɔnthiinë bïk cuet.”

1 Tham 17:44 ပူးပေါင်းရင်းမြစ်များ

2 Tham 21:10

Na wën ke Ridhpa nyan de Ayia tiiŋ määth ke Thaulo lupɔ de cual looi ke ye kät të wën cïï ë gup ke kɔc tääu thïn në kur nïïm, go jɔ rɛ̈ɛ̈r ëtɛ̈ɛ̈n gɔl ɣɔn tem ë rap agut wään cï deŋ jɔ këër. Aaye diɛt cop aköl ke ke cïï gup ke mïth ke wɛ̈ɛ̈tke bï ŋueet, ku ye gupken gël wakɔ̈u aya në luɔi cïï läi ke bï cuet.

Kɛ̈ŋ 18:12

Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Nyuuth 19:17

Na wën, ke ya tïŋ tunynhial tök ke kääc ë akɔ̈lic, go cööt ë röl dït, yöök diɛt ee riŋ nhial ëbɛ̈n ë kaam de nhial ku piny, an, “Bäkï, guɛ̈ɛ̈rkï ë këcam dïït ë Nhialic,

1 Tham 14:12

Go Pilithiin wën tɔ̈u ëtɛ̈ɛ̈n Jɔnathan kekë dhuŋ muk kakɛn ë tɔŋ cɔɔl në röldït, an “Bäkkï tënu wok thïn, ke we buk bɛ̈n nyuöth kë kaarkï!” Ago Jɔnathan dhuŋ muk kakɛn ë tɔŋ cɔɔl an, “Bäär nhial kuany ya cök. Acïï Bɛ̈nydït keek tääu në Yithriɛl ciin.”

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.