1 Tham 17:26 - JAM DE NHIALIC 2011

²⁶ Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 17:26 ပူးပေါင်းရင်းမြစ်များ

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

2 Lëk 32:17

Ku awerek ë gɛ̈ɛ̈r melik de Athiriya alɛ̈ɛ̈t Bɛ̈nydït Nhialic de Yithriɛl, aye lueel an, “Yiëth ke juöör akënkï kɔcken kony në riɛl cath ke yɛn, ayï yanh de Ɣedhekia acïï yen bï kony në yɛn.”

Neɣe 5:9

Ë tɛ̈ɛ̈n guɔ lɛ̈k keek an, “Kë luɔikï aa wäc! Wek duëër Nhialic riëëu ku luɔikï yic, ku ëtɛ̈ɛ̈n wek cïï kɔc ke aterda wën ee juöör bï gäm kë bïï kek wo geet gup.

Diɛt 44:13

Yïn cï wo tɔ geet gup në kɔc thiääk në wook, ku dɔlkï wo gup ku buikï wo gup.

Diɛt 74:18

Ku ŋic Bɛ̈nydït, nɔn ye kɔc ke aterdu Yïn dɔl guöp, nɔn cïn kek nïïm Nhialic ku yek Yïn biɔɔn guöp.

Diɛt 79:12

Bɛ̈nydït riɔp juöör kɔ̈kë raandhorou, në biäk de lɛ̈ɛ̈t kedhie, lɛ̈ɛ̈t cï kek Yïn läät.

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Edhekiɛl 28:10

Yïn bï thou cï jö në kɔc alɛi cïn nïïm gäm cin. Ee yɛn Bɛ̈nydït Awärjäŋ, yɛn aa jam.”

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Nyöŋ 5:26

De raan cï kɔn pïïr, raan cï Nhialic Pïïr piŋ ke jam ë macic?

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

1 Tham 11:2

Ago Naɣac raan de Ammon bɛ̈ɛ̈r an, “Yɛn bï mät gam wo week në ee töŋë: ku töŋë ee luɔi bän nyin cuëny de raan ëbɛ̈n tuök bei në weyiic, ago kɔc ke Yithriɛl jɔ yäär kedhie.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:10

Wekï lääth nyïïnë na de raan, ke dapkï tɔ bɔ̈, bïï bɛ̈n piɔ̈t ke yɛn!”

1 Tham 17:30

Ago rɔt puɔ̈k raan däŋ, ku be nyɔk ë lop en en ee lopë, go bɛ ŋoot ke bëër cït man wën.

1 Tham 17:36

Yɛn ë kɔ̈ɔ̈r nɔ̈k ku näk köör ayuääl, ka yɛn bï ee Pilithiin cïn nɔm Nhialicë nɔ̈k ayadäŋ, Pilithiin ee rem de tɔŋ de Nhialic pïïr läät.”

1 Tham 31:4

Go Thaulo dhuŋ muk kakɛn ë tɔŋ yɔ̈ɔ̈k an, “Bɛ̈ɛ̈iyë abätäudu bei ku näk ɛn, ke ya cïï kɔc kuc Nhialic bï bɛ̈n leeŋ ku näkkï yɛn.” Ku dhuŋ ee kakɛn ë tɔŋ muk aacï riɔ̈ɔ̈c arëët në luɔi bïï yen kë cït ee kënë looi.” Go Thaulo abätäude nööm ku cuɛt rɔt në ye thok.