1 Tham 16:7 - JAM DE NHIALIC 2011

⁷ Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”

1 Tham 16:7 ပူးပေါင်းရင်းမြစ်များ

Cäk 4:5

ku reec miɔ̈c de Kain. Ago Kain piɔ̈u gɔ̈ɔ̈i arëët, go agɔ̈th tïc ë yenyin aläl.

2 Tham 14:25

Ku acïn raan läk de kɛk në Yithriɛl cït Abthalom. Acïn guöp piäär gɔl ë yenɔm leer në yecök

2 Tham 7:20

Eeŋö däŋ duɛ̈ɛ̈r lɛ̈k Yïn! Yïn ŋic awundu Bɛ̈nydït.

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

1 Lëk 17:18

Eeŋö däŋ bä bɛ lɛ̈k yïn! Yïn ŋic ɛn apiɛth, ku yïn ŋoot ke yï dhuëëŋ ɛn guöp, yɛn awundu.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

2 Lëk 6:30

piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

Jop 10:4

Ye daai cït man ë wok, ku Ye käŋ yökiic cït man ë wok?

Jop 35:5

Woi tënhial! Tïŋ luäät mɛcden!

Diɛt 139:2

Yïn ŋic këriëëc ya looi ëbɛ̈n. Yïn ŋic ka ya tak tëmec.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Kɛ̈ŋ 15:11

Na ye Bɛ̈nydït riäŋ cï thiaan paan ë thuɔɔu tïŋ, ka cïï kë nu ë kɔc piɔ̈ɔ̈th duëër bɛ kuc.

Kɛ̈ŋ 16:2

Raan ee rɔt tïŋ ke pïïr ë kueer awai, ku Bɛ̈nydït, Yen aŋic kë tɔ̈u në yepiɔ̈u.

Kɛ̈ŋ 24:12

Na lueel en an, acïn kë ŋiɛc në biäk de ee kënë, ku cie Nhialic Raan wën ee kɔc thɔ̈ɔ̈ŋ piɔ̈ɔ̈th ku Yen muk wëiku, cie Yen ŋic yïn ku woi yï? Cïï raan ëbɛ̈n bï gäm ariöp rɔ̈ŋ ke luɔide?

Kɛ̈ŋ 31:30

Läk de guöp acïï kït ke läk de piɔ̈u, ku tiiŋ ee Bɛ̈nydït riëëu arɔ̈ŋ ke piɔ̈ny.

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 20:12

Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Jɔn 7:24

Duökï löŋ ë guiir në kë cï tïc tei, yak löŋ piɛth guiir.”

Jɔn 8:15

Wek ee löŋ guiir në këde guöp tei, ku yɛn, acïn raan aa yɛn löŋde guiir.

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 10:7

Yak käŋ woi në këde tïc ee kek tïc biic? Na de raan ŋic rɔt nɔn ee yen këde Kërtho, ë be cöökë thɔ̈ɔ̈ŋ ë yepiɔ̈u aya an, Acït man ee yen këde Kërtho, yen aye wok aa ka ke Kërtho ayadäŋ.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 2:3

Du ee cool ë jam ke yï leec rɔt, ayï jam ee yïn jam ke yï ɣɛ̈ɛ̈c yïnɔm. Në luɔi ŋic ë Bɛ̈nydït Nhialic këriëëc ëbɛ̈n, ku Bɛ̈nydït ee këriëëc ye raan ëbɛ̈n looi them.

1 Tham 9:2

Ade nɔm wëndɛn cɔl Thaulo, ee dhuŋ bɛ̈ɛ̈r läk ku wɛ̈ɛ̈r kɔc nïïm ëbɛ̈n në Yithriɛl, ku aläk arëët.