1 Tham 16:4 - JAM DE NHIALIC 2011

⁴ Ago Thamwɛl kë cïï Bɛ̈nydït lɛ̈k en looi, go jäl ke lɔ Bethleɣem. Na wën aa tïŋ ë röördït ke wut, ke ke lɛth ë riɔ̈ɔ̈c keek. Gokï loor nɔm lek luɔp, an, “Ee këpiɛth yen ciɛɛth yïn bɛ̈ny?”

1 Tham 16:4 ပူးပေါင်းရင်းမြစ်များ

Cäk 35:19

Ku jɔ Racel thou, ago lɔ tɔ̈ɔ̈u në kueer ee lɔ Eparath (ee yen ee Betheleɣem).

Cäk 48:7

Ku kënë aluɛɛl aya në biäk ë Racel moor. Në dhiën ë piɔ̈u ɣɔn dhiaau ɛn piɔ̈u piny ë Kanaan wään thou en, ke wo ŋoot ke wo kën ɣet Eparath. Të ɣɔn lan a nɔm puk Methopotamia. Aguɔ thiɔ̈k në kueer ee lɔ Eparath këc. (Ku Eparath yen acɔl Betheleɣem ënɔɔnë.)

2 Tham 6:9

Debid acï bɛ̈n riɔ̈ɔ̈c në Bɛ̈nydït ee köölë, go lueel an, “Ënɔɔnë, bä athänduŋ de mät ja jɔt adï?”

1 Mel 17:18

Go tiiŋ thuööm lɛ̈k Elija, an, “Raan de Nhialic eeŋö lui yïn ɛn ee kënë? Ee yï bɔ̈ eenë bä Nhialic bɛ̈n täk nɔm në awɛ̈ɛ̈ckï ku tɔ wëndï thou?”

1 Mel 2:13

Na wën ke Adonija, wën ë tiiŋ cɔl Ɣagith bɔ̈ tëde Bathceba man melik Tholomon go luɔp an, “Ee këpiɛth yen bïï yïn?” Go bɛ̈ɛ̈r an, “Ɣɛɛ, ee yen.”

2 Mel 9:22

Go Joram Jeɣu luɔp an, “Bä në mät Jeɣu?” Go Jeɣu bɛ̈ɛ̈r an, “Duëër mät jɔ tɔ̈u adï, ke piny ë ŋoot ke thiäŋ ke tït ku yiëth wään gɔl ë moor Jedhebel keek?”

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Luk 2:4

Ku jël Jothep aya piny de Galili pänydït cɔl Nadhareth, le Juda, Pänydït de Debid, cɔl Betheleɣem, luɔɔi ee yen raan dhiën ë Debid.

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”

Luk 8:37

Na wën, ke kut ë kɔc ëbɛ̈n kɔc ke piny de Gadaren, piny thiääk kekë tɛ̈ɛ̈n, ke jɔkï lɔ̈ŋ an, bï jäl pinyden, acï riɔ̈ɔ̈c dït ke dɔm: go lɔ ë abëlic, ku jɔ enɔm puk.

1 Tham 21:1

Na wën, ke Debid ë lɔ tëde Aɣimelek raan de kake Nhialic nu ë Nop. Go Aɣimelek bɛ̈n bei ke lɛthë wën rɔ̈m kek kekë yen, ago luɔp an, “Eeŋö bïï yïn eenë yïtök?”