1 Tham 16:18 - JAM DE NHIALIC 2011

¹⁸ Go lïmdɛn tök e lueel ëtɛ̈ɛ̈n an, “Jethe, raan wun ë Bethleɣem ade nɔm wëndɛn ŋic gut aläl. Ee wën läk, ku ee ŋeny de tɔŋ, ku aril, ku aŋic jam. Bɛ̈nydït atɔ̈u ke yen.”

1 Tham 16:18 ပူးပေါင်းရင်းမြစ်များ

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

2 Tham 14:20

Ku aa looi Jowap aya aguɔ ee kakë tɔ tiëc ëbɛ̈n. Yïn bɛ̈nydï, yïn pelnɔm ka yïn cït tunynhial de Nhialic ku yïn ŋic këriëëc ee rɔt looi ëbɛ̈n.”

2 Tham 17:10

Cakaa jööt ke kɔc cie riɔ̈ɔ̈c cït kɔ̈ɔ̈r, abïk riɔ̈ɔ̈c, në luöi ŋic ë kɔc ke Yithriɛl wuur luöi yen raan ŋic tɔŋ thɔ̈ɔ̈r, ku kɔcke aŋickï thɔ̈ɔ̈r aläl.

2 Tham 17:8

Yïn ŋic wuur kekë remdɛn ë tɔŋ ayek kɔc ŋic tɔŋ thɔ̈ɔ̈r, ku ayek jööt cït ŋun ë köörayuääl cï rum ë mïthke. Ku wuur ee raan cï wëët ë tɔɔŋ yiic, acie niin wäkɔ̈u kekë remdɛn ë tɔŋ ëtök.

Kɛ̈ŋ 12:8

Kɔc pel nïïm aye ke lɛ̈c pɛlënɔmden, ku ciën yöŋ de käŋiic ee biɔ̈n ë guöp bɛ̈ɛ̈i.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.

1 Tham 16:12

Go Jethe ye tuöc raan, ku tɔ bïïyë. Ku yen aaye dhuŋ läk guöp ku le nyin top. Ku ëtɛ̈ɛ̈n, acïï Bɛ̈nydït bɛ̈n lɛ̈k Thamwɛl an, “Yen raan cä lɔc ka, tɔc ë miök!”

1 Tham 16:17

Go Thaulo gam, ku lëk keek an, “Kɔ̈ɔ̈rkï ya raan ŋic gun ë thom apiɛth, ku bɛ̈ɛ̈ikï.”

1 Tham 16:19

Ago Thaulo kɔc tuöc Jethe lek lɛ̈k en an, “Tuöcë yɛn Debid wënduön ee thök tiit.”

1 Tham 17:12

Debid ee wën ë Jethe, raan dhiën ë Eparath në Bethleɣem de Juda. Jethe aa de nɔm wɛ̈ɛ̈tke kabɛ̈t. Ku Jethe aacï dhiɔp në akööl ɣɔn ye Thaulo melik.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.