1 Tham 16:13 - JAM DE NHIALIC 2011

¹³ Go Thamwɛl miök de olip nööm ku wɛ̈l ë Debid nɔm në wɛ̈ɛ̈tëkɔcken nïïm. Gɔl ëtɛ̈ɛ̈n, ku le tueŋ, Wëi ke Bɛ̈nydït acïk bɛ̈n tɔ̈u në Debid guöp. Ku jɔ Thamwɛl rɔt bɛ̈n puɔ̈k Rama.

1 Tham 16:13 ပူးပေါင်းရင်းမြစ်များ

2 Tham 12:7

Na wën ke lëk ë Nathan Debid an, “Ee yïn guöp yïn ee raanë! Ku kë lueel ë Bɛ̈nydït Nhialiny de Yithriɛl kï an, ‘Yïn cä lɔc ke yï ye melik de Yithriɛl, ku ta yïn tɔ poth në Thaulo ciin.

2 Tham 2:4

Go kɔc ke Juda bɛ̈n Ɣebron ku jɔkï Debid tɔc ke ye melik de Juda ëbɛ̈n. Wën cïï Debid ye piŋ nɔn cïï kɔc ke Jabec Giliyad Thaulo tɔ̈ɔ̈u,

2 Tham 23:1

Debid wën ë Jethe, ee raan cïï Nhialic Awärjäŋ tɔ dït, acïï Nhialic de Jakop lɔc ke bï ya melik, ku ye raan ee Yithriɛl cäk diɛt läk. Kakë ayek wël ciëën ke Debid:

2 Tham 5:3

Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

2 Mel 9:6

Gokï lɔ ɣöt kaarou, go dhuŋ de tiët miök de olip wäl ë Jeɣu nɔm, ku lëk en an, “Acï Bɛ̈nydït Nhialic de Yithriɛl lueel an, ‘Bä yï tɔc ke yï ye melik de kɔckiën ke Yithriɛl.

1 Lëk 11:3

Ago bäny ke Yithriɛl kedhie lɔ tëde melik Debid ë Ɣebron. Gokï mät looi ë yen, ku jɔkï tɔc ë miök cït man ë kë cï Bɛ̈nydït lueel në Thamwɛl thok.

Diɛt 89:20

Yɛn cï awundiën Debid yök, acä tɔc nɔm në miökdiën ɣeric.

Diɛt 89:21

Riɛldï abï ya nu ke yen aköölnyïïn, ku riɛldï abï yen tɔ ril.

Kuɛ̈n 11:17

Yɛn bï bɛ̈n piny bä bɛ̈n jam wokë week ëtɛ̈ɛ̈n. Ku Yɛn bï wëi kɔ̈k nööm në wëi wään cä gäm yïn, ku gäm ke keek. Ku abïk yïn kuɔny në nuanden, ke yï cï bï bɛ nuan yïtök.

Kuɛ̈n 27:18

Go Bɛ̈nydït lɛ̈k Mothe an, “Jɔt Jocua wën ë Nun, raan thiäŋ ke wëi, raan lëu luɔi, ku thanyë yïcin në yenɔm.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

Ɣeberuu 11:32

Duɛ̈ɛ̈r ŋoot ke ya lɔ tueŋ? Acïn kaam dïït nu bän jam në këde Gidiɔn, Barak, Thamthon, Japetha, Debid, Thamwɛl, ku tït ke Nhialic.

Bäny 11:29

Na wën ke Wëi ke Bɛ̈nydït ë ke lööny ë Japetha guöp. Gokï tëëk në Giliyad kekë Manatha ku puk e nɔm Midhpa de Giliyad, ku ëtɛ̈ɛ̈n yïn tɔŋ kɔc ke Ammon.

Bäny 13:25

Ku jɔ Wëi ke Bɛ̈nydït meth tɔ ril në akööl ɣɔn rëër en ë kaam de Dhora ku Ecetawol wun ë Dan.

Bäny 14:6

Go riɛl ë Wëi ke Bɛ̈nydït bɛ̈n ë yeguöp, go köör ŋuany gëm ku reetic cït kë ret amɛthɔ̈kic, ke cïn kë muk ë yecin. Ku akën kë cï looi lɛ̈k wun kekë man.

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

1 Tham 1:19

Na ɣɔn amiäk adurduur ke ke jɔt röt, ku lɛ̈ŋkï Bɛ̈nydït, ku jiëlkï lek paanden ë Rama. Na wën ke Elekana ë yɔ̈k kekë tiiŋde Ɣana, go Bɛ̈nydït lɔ̈ŋden gam, go Ɣana meth yök.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 10:6

Ku wëi ke Bɛ̈nydït abïk bɛ̈n në yïguöp ëthiäu, ka yïn bï mɛt lɔ̈ɔ̈r we keek ke we cäär, ka yïn bï rɔt waar abä aa raan mɛɛn.

1 Tham 11:6

Na wën, aa piŋ Thaulo ee kënë, ke dɔm ë Wëi ke Nhialic, ago ŋeeny arëët.

1 Tham 16:18

Go lïmdɛn tök e lueel ëtɛ̈ɛ̈n an, “Jethe, raan wun ë Bethleɣem ade nɔm wëndɛn ŋic gut aläl. Ee wën läk, ku ee ŋeny de tɔŋ, ku aril, ku aŋic jam. Bɛ̈nydït atɔ̈u ke yen.”

1 Tham 18:12

Ku Thaulo aaye riɔ̈ɔ̈c në Debid në luɔi cïï Bɛ̈nydït ye nyääŋ piny, ku le tɔ̈u kekë Debid.

1 Tham 2:35

Yɛn bï bɛ̈ny de kake Nhialic adöt lɔc, raan bï këde Yapiɔ̈u looi. Abä gäm mïth juëc, ku abï A luööi ëceŋ të tɔ̈u melikdiën cä lɔc thïn.