1 Tham 15:9 - JAM DE NHIALIC 2011

⁹ Ku Thaulo kekë kɔcke acïk Agak bɛ̈n pɔ̈l, ku akënkï thök piɛth ayï ɣɔ̈k piɛth nɔ̈k, ayï daau piɛth, ayï amɛ̈l piɛth, kekë këriëëc piɛth ëbɛ̈n, ku riäkkï këriëëc cïn naamde ëbɛ̈n.

1 Tham 15:9 ပူးပေါင်းရင်းမြစ်များ

2 Tham 6:13

Na wën aacï kɔc ɣɛ̈ɛ̈c athänduŋ de män lɔ të cït akɛɛth kadhetem, go Debid keek tɔ kääc, ku nɛ̈k Bɛ̈nydït thɔn ë weŋ kekë dan cuai ke ee miɔ̈c.

1 Mel 20:34

Go Benɣadad lɛ̈k en an, “Yïn bä pɔ̈k nɔm pɛ̈ɛ̈nydït ɣɔn cï wäär ke nööm tëde wuur, ku yïn bï ɣäändït ke ɣööc yïk ke ke ye kake guöpdu në Damathko, cït ka ɣɔn cï wäär ke kɔn looi në Thamaria.” Go Aɣap bɛ̈ɛ̈r an, “Yïn bä pɔ̈l alɔ në baŋ de ee kakë. Go löŋ jɔ mac kekë yen ku pɔ̈l alɔ.”

Math 26:9

Miökë adï cï ɣaac ë wëu juëc, ku gëm ë ke kɔc kuanynyïïn!”

Jocua 6:18

Duökï de kë bäk nööm, në ka bï ke riɔ̈ɔ̈kiic, të la wek nööm thïn wek bï riääk bɛ̈ɛ̈i wun ë Yithriɛl.

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

1 Tham 15:10

Go Bɛ̈nydït lɛ̈k Thamwɛl an,

1 Tham 15:15

Go Thaulo bɛ̈ɛ̈r an, “Ee rem de tɔŋ kek ë bïï keek tëde kɔc ke Amalek, acïk thök piɛth kekë ɣɔ̈k piɛth puɔ̈l, bï keek bɛ̈n näk Bɛ̈nydït Nhialicdu, ku wok cï kɔ̈kkë riɔ̈ɔ̈k taitai.”

1 Tham 15:19

Eeŋö kën yïn Bɛ̈nydït riëëu? Eeŋö go yïn rɔt baan ë pɛ̈cic, ku loi karɛc në Bɛ̈nydït nɔm?”

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 28:18

Në biäk kën yïn röl de Bɛ̈nydït riëëu, ku kënë agönhdɛn tuc nyuöth kɔc ke Amalek ku kaken kedhie. Yen ka cïï ë Bɛ̈nydït yïn luöi ee kënë ee köölë.