1 Tham 15:29 - JAM DE NHIALIC 2011

²⁹ Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”

1 Tham 15:29 ပူးပေါင်းရင်းမြစ်များ

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Diɛt 68:35

Nhialic arïïuwë të bïï yen tëɣeric, Nhialic de Yithriɛl! Ee riɛl ku dït gäm kɔcke. Pianykï Nhialic!

Diɛt 95:11

Yɛn aa cï göth ku kuɛ̈ɛ̈ŋ an: ‘Wek cïï bï lɔ piny bän week gäm lɔ̈ŋ thïn.”’

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

2Tim 2:13

Të cïï wok ee kɔc adööt, ka ye tɔ̈u ke ye Raan adöt, acïï rɔt ee lëu ë jiɛi.”

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.