1 Tham 15:26 - JAM DE NHIALIC 2011

²⁶ Ago Thamwɛl lɛ̈k en an, “Yɛn cïï bï lɔ ciëën wokë yïn, yïn cï löŋ de Bɛ̈nydït rɛɛc, ku Bɛ̈nydït acï yïn rɛɛc luöi bï yïn aa melik de Yithriɛl.”

1 Tham 15:26 ပူးပေါင်းရင်းမြစ်များ

Cäk 42:38

Go Jakop lɛ̈k keek an, “Mɛnhdï acä bï tɔ lɔ ke week, ee yen ë dɔ̈ŋ yetök në man nɔm. Mänhë ka wään cï thouwë. Na jɔ dɛ kërɛɛc lɔ ye yök kueer? Acä bï lëu, yɛn cï dhiɔp. Na de kë lɔ rɔt looi, wek bï ya tɔ lɔ paan ë thuɔɔu ë dhiën ë piɔ̈u.”

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

2 Tham 7:15

Ku Yɛn cï nhiëërdiën agɔk bï nyaai tëde yen, cït man cän e nyaai tëde Thaulo, ke we tɔ̈u thïn.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Ɣodh 13:11

Acä keek bɛ̈n gäm week ke cie piɔ̈ndï, na ɣɔn aa cä gɔ̈th ke ke bɛ keek nyaai.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

2 Jɔn 1:11

Raan lëk en thieithieei, ka mät kekë yen në luɔidɛn rac.

1 Tham 13:14

Ku ënɔɔnë ciɛɛŋdu acïï rɔt bï cuuth. Në baŋ kën yïn En riëëu, Bɛ̈nydït abï raandɛn kɔɔr bɛ̈ɛ̈i ku tɔ ee melik në kɔcke nïïm.”

1 Tham 15:23

Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”

1 Tham 15:31

Ago Thamwɛl yenɔm puk kekë Thaulo, ku jɔ Thaulo Bɛ̈nydït lam.

1 Tham 16:1

Ago Bɛ̈nydït lɛ̈k Thamwɛl an, “Bä Thaulo dhiëëu aɣet cï nɛn? Acä rɛɛc acï bï bɛ aa meliŋ de Yithriɛl. Ka yïn nöm miök de olip, ku lɔ Bethleɣem tënu raan cɔl Jethe, në baŋ cän wëndɛn tök lɔc në wɛ̈ɛ̈tke yiic bï aa melik.”

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.

1 Tham 28:18

Në biäk kën yïn röl de Bɛ̈nydït riëëu, ku kënë agönhdɛn tuc nyuöth kɔc ke Amalek ku kaken kedhie. Yen ka cïï ë Bɛ̈nydït yïn luöi ee kënë ee köölë.