1 Tham 15:23 - JAM DE NHIALIC 2011

²³ Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”

1 Tham 15:23 ပူးပေါင်းရင်းမြစ်များ

Cäk 31:19

Na wën, acï Laban amɛ̈lke lɔ tem gup, ke Racel ë löök yiëth ke wun kual.

Cäk 31:34

Ku Racel acï yiëth ke wun thiaan ë keŋkeŋ ë thɔ̈rɔ̈ɔ̈l thar piny, ku nyuuc ë kekɔ̈ɔ̈th. Go Laban paany guikic ëbɛ̈n, ku cï ke yök.

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

2 Tham 7:15

Ku Yɛn cï nhiëërdiën agɔk bï nyaai tëde yen, cït man cän e nyaai tëde Thaulo, ke we tɔ̈u thïn.

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

Jop 34:37

Aa awɛ̈ɛ̈cke ŋuak nyïïn në reec reec en Nhialic në wonïïm wodhie ee Nhialic bui guöp.

Diɛt 107:11

në biäk cïï kek löŋ de Nhialic Awärjäŋ rɛɛc ku reeckï wëëtde.

Bɛ̈n 22:18

“Yak tik nɔ̈k ëbɛ̈n tiiŋ cï rɔt tɔ ye tiët.

Yith 19:3

Kɔc ke Rip acïkï piɔ̈ɔ̈th bï riɛl, yɛn bï täŋden liääp. Abïk kuɔɔny aa thiëëc tëde yiëthken, ku abïk lɔ ku lopkï kɔc ee cɔ̈ɔ̈r, ku thiëkkï wëi ë kɔc cï thou në kë bï looi

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 16:12

Ku wek cï kërɛɛc wär kërɛɛc de kuarkun looi, Week wedhie wek rilnïïm ku rackï, ku wek cïï Yɛn ee riëëu.

Jeremia 28:16

Ku acïï Bɛ̈nydït lueel guöpde bï yen yïn nyaai nyin. Yïn bï thou ke ruöönë ë kën kɔn thök, në biäk cï yïn kɔc yɔ̈ɔ̈k bïk Bɛ̈nydït rɛɛc.”

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Ɣodh 13:11

Acä keek bɛ̈n gäm week ke cie piɔ̈ndï, na ɣɔn aa cä gɔ̈th ke ke bɛ keek nyaai.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Lebai 20:27

“Na de moc ku nɔn ee tiiŋ cï rɔt tɔ ee tiët ku nɔn de guöp jɔɔk ë we yiic, abï dhil nɔ̈k. Abäk keek dhil biɔ̈ɔ̈k ë kur. Riɛmden abï nu ë keyiëth kapäc.”

Lebai 20:6

Na de raan lɔ cɔ̈ɔ̈r ë kɔc ee cɔ̈ɔ̈r nïïm ku kɔc de gup jɔɔk rac, ku riäkkï röt në läm lɛm kek yiëth, abä keek tëëm bei në kɔckï yiic.

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Luɔi 13:22

Ku të cï en e nyaai, ke jɔt Debid nhial abï aa melikden, go lueel në këde, an, ‘Yɛn cï Debid wën ë Jethe yök, raan nu ë yapiɔ̈u, raan bï këde yɛnpiɔ̈u looi ëbɛ̈n.’

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Galatai 5:20

läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Nyöŋ 9:24

Gɔl ee të wään ŋiɛc week, wek ee Bɛ̈nydït rɛɛc thok.

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.

Jocua 22:15

Agokï lɔ Giliyad lek jam në dhiën ë Ruben, kekë dhiën ë Manatha, Lëkkï keek an:

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

1 Tham 13:14

Ku ënɔɔnë ciɛɛŋdu acïï rɔt bï cuuth. Në baŋ kën yïn En riëëu, Bɛ̈nydït abï raandɛn kɔɔr bɛ̈ɛ̈i ku tɔ ee melik në kɔcke nïïm.”

1 Tham 16:1

Ago Bɛ̈nydït lɛ̈k Thamwɛl an, “Bä Thaulo dhiëëu aɣet cï nɛn? Acä rɛɛc acï bï bɛ aa meliŋ de Yithriɛl. Ka yïn nöm miök de olip, ku lɔ Bethleɣem tënu raan cɔl Jethe, në baŋ cän wëndɛn tök lɔc në wɛ̈ɛ̈tke yiic bï aa melik.”

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.

1 Tham 28:3

Ku ëtɛ̈ɛ̈n Thamwɛl aacï thou, go ë kɔc ke Yithriɛl dhiëëu arëët, ago lɔ tɔ̈ɔ̈u baaiden ë Rama. Ku Thaulo aacï kɔc ee käŋ caar ku kɔc ee thuëth tɔ cop piny ë Yithriɛl.